Génesis

33 Jacobʼba ojĩrʉ akʉside, ũdusi Esaúta maʉ̃ kʼaidupanasi 400 yumakẽrãra. Maʉ̃ kʼarea wũãwũãrata diasi Lea, Raquelʼa akʉza iyi nezokʼa ũmea. 2 Nããre zokʼasi iyi nezokʼata yi wũãwũãrabawara, maʉ̃are Leata yi wũãwũãrabawara, maʉ̃ tẽã Raquelʼta Joséʉ̃me jĩrʉare bʉesi. 3 Aramaʉ̃ne Jacobʼra jõmaʉ̃ra nãã wãsi, maʉ̃ne yi mebẽã kʼawa babʉrʉza, sãkokode jʉkʉba wãsi siete bayeda. 4 Aramaʉ̃ta Esaúra wẽbasi yi mebẽãta ũdui baera, maʉ̃ne bʉra kʼãrãpe akʉza ñega kʼãrãpe, ãyi ũmena jẽgasida. 5 Esaúba ojĩrʉ akʉside, ũdusi yuwẽrãrata akʉza wũãwũãrata, aramaʉ̃ta widisi: «¿Kʼaira naʉ̃ bʉbawara panʉra?». Jacobʼba panʉsi: «Naʉ̃ra wũwũãrãra Daizezeba bʉ nezokʼa diada». 6 Yi nezokʼarata akʉza yi wũãwũãrata iyi nãã sãkokodebesi 7 akʉza Leaba iyi wũwũãrabawaraʉba orrasi ãyisida sãkokodebesi. Adewara maʉ̃ tẽã Raquelba Joséʉ̃meba orra kʼãrãpe sãkokode panesi. 8 Esaúba widisi Jacobʼa: «¿Kʼãrẽa bʉara jõma mʉ̃ma zokʼasi naʉ̃ra?». Iya panʉsi: «Bʉta mʉ̃ ʉ̃rʉ bia krĩchamarẽã, mebẽã». 9 Aramaʉ̃ta Esaúba jarasi: «Mʉ̃ara nekʼãrẽ mejãcha erbʉ, mebẽã. Naʉ̃ra bʉre, bʉa erbara». 10 Mamina Jacobʼba panʉsi: «Mawũã ẽ, bʉa mʉ̃ ʉ̃rʉ bia krĩchabʉbʉrʉ, jidara naʉ̃ra, naʉ̃ra bʉre, mʉ̃a naʉ̃ra webʉrʉ bʉ kĩrã ũduita. Bʉ kĩrã ũdubʉrʉba Daizeze kĩrãta ũdubʉ kĩrãkʼabʉrʉ, bʉa mʉ̃ta ibiade edasi baera. 11 Mʉ̃ bia okʼãrãpe jidara mʉ̃a bʉita kʼãrẽ nebia webʉrʉra, Daizezeba mʉ̃a diabʉrʉ nebiata akʉza mʉ̃ra nekʼãrẽ wãe ẽ». Jarabada ʉ̃rʉ jarabasi baera, Esaúbara maʉ̃ra ĩjãsi. 20 Mama altarta osi mõbe trʉ̃gasi Daizeze, Daizeze Israeldebema.