2 Reyes

2 Ewari aba Israelʼʉ̃me yõpanʉne siriorabara kau zaketa nezokʼabaita edesida, iyira Naamán kima nezokʼabasi. 3 Iya jarasi iyi nokʼoʼa: «Biga bakasi mʉ̃ nokʼoba propetata akʉ wãsibʉrʉ Samariade, naʉ̃ba bebikasi aidadeba». 11 Naʉ̃ bedʼea ũrĩpe Naamán kĩrʉsi akʉza jarasi: «Mʉ̃a krĩchabasi ‹Iya mʉ̃ eda zeita akʉza mʉ̃ deidu iyi Daizeze Jeowa trʉ̃ jaraita, aida mʉ̃ kakuadebʉta tõbaripe bebibasita›. 12 Abaná akʉza Farpar, do Damascodebemarãra, ¿audre yibia ẽka do Israeldebemaraira? ¿Mʉ̃ta maʉ̃ dodebida kuira, iyaba bebi ẽ baika?». Mawũã jarape kĩrã ãbudea wã kʼãrãpe kĩrʉ wãsi. 13 Yi nezokʼaraba iyi orrape jarasida: «Zeze, bʉaʼa propetaba nekʼãrẽ zromata omarẽã widibasibʉrʉ, bʉara okasi, ¿bʉmabida? Audre oseabʉ ẽka iya bʉaʼa jarabʉ baera ‹Kuira beita›». 14 Mõbe iyira do Jordánʼena wã kʼãrãpe 7 bayeda kuisi Daizeze wãrĩnuara nezokʼaba jarada kĩrãkʼa. Aramaʉ̃ta iyi kakuara neneẽã totosi wũãwũã yara kĩrãkʼa. 15 Maʉ̃ tẽã iyi nezokʼarabawara akʉza jẽda akʉ wãsi yumakẽrã Daizeze wãrĩnuarebʉta. IYi kĩrãbita bepe mõbe jarasi: «Mʉ̃a idibʉrʉ kʼawuabʉ Daizezera bʉta nama Israeldebʉrʉ. Mʉ̃ biata ope, bʉ nezokʼaba nebia diabʉta jidara».