Daniel
16 Sadrac, Mesac akʉza Abednegoba nokʼoa jarasida: «Nokʼo Nabucodonosor, daiba nesida ẽ maʉ̃ ʉ̃rʉ bʉa panʉira. 17 Nokʼo bʉa maʉ̃ta mawũã oibʉrʉ, daira, dai Daizezeba ẽdrʉbiyi tʉbʉ pureadeba akʉza bʉ juwadeba. 18 Mamina iya kareba ẽ bʉrʉ, mawũãsidu daira yiwidʼi ẽ bayi bʉ daizeze zeri ẽãra akʉza bʉa nekʼãrẽ oro oma parãnabida». 19 Mãwũãra Nabucodonosorʹra jipa kĩrʉtotosi Sadracʼʉ̃me, Mesacʼʉ̃me, Abednegoʉ̃me, mõbe iyi kĩrãra awuaratotosi. Maʉ̃ kʼarea zokʼasi tʉbʉra siete bese audre jʉ̃wʉrʉanamarẽã. 22 Nokʼoba zokʼadara aukʼara basi baera akʉza tʉbʉra jipa jʉwʉrʉa basi baera iyi jʉ̃wʉrʉabʉde wẽta, yumakẽrãra Sadrac, Mesac akʉza Abednego ededarara beisida tʉbʉ pʉreaba. 24 Mawũẽra nokʼo Nabucodonosorʼra pera kʼãrãpe ñabasia piradrʉsi, mõbe iyi kʼarebabariraʼa widisi: «¿Dayirãba tajʉ̃ kʼãrãpe ibalbʉesida ẽka tʉbʉde yumakẽrãrata ũbea?». Ãya nokʼoʼa panʉsida: «Mãwũã nokʼo». 25 Iya jarasi: «Akʉidua, mʉ̃a akʉnʉmʉ yumakẽrãra kimareta aduʼa ya wãpanʉta neida berabari ẽã, mõbe yi kimarera daizezera warra kĩrãkʼabʉ». 28 Aramaʉ̃ta Nabucodonosorba jarasi: «Ibia bedʼeaidua Sadrac, Mesac akʉza Abednego Daizeze ʉ̃rʉ, iya iyi angelta zokʼasi baera akʉza ẽdrʉbisi baera iyi nezokʼarata. Ãyara ĩjãsida iyi ʉ̃rʉ, oda ẽ basi nokʼoba zokʼadara akʉza ãyitara audre yibiabasi ãyi Daizezeʼa yiwidʼita daizeze zeri ẽãra yiwidʼi kaude, ãyi beibasimina.