Salmo

96 Trãbi yiwidʼita trãidua Jeowaʼa, ẽbẽra naʉ̃ drʉadebema jõmaʉ̃ba trãidua Jeowaʼa. 2 Trãidua Jeowa, ibia bed’eaidua iyi trʉ̃ ʉ̃rʉ, nrʉemaza nrʉemaza jaraidua bed’ea bia iya ẽdrʉbita. 3 Jõmaʉ̃a jaraidua iyi nebia ʉ̃rʉ akʉza jõmaʉ̃a jaraidua iya nekʼãrẽ zroma obʉ ʉ̃rʉ. 8 Jeowa ʉ̃rʉ ibia bedʼeaidua iyi trʉ̃ra yi zroma baera, nebiata edeidua akʉza iyi de ewarade eda wãidua. 9 Jeowa yiwidʼidua iyira jipa neneẽãbʉ baera. Drʉa jõmanebemaba iyaʼa wawia ũdubidaibara. 10 Pʉwʉrʉra jaraidua: «¡Jeowa Nokʼoa! Drʉa ariya pikibʉ, maʉ̃ba miõba aña bʉebeda ẽ. Iya aripe kʼawua oyi pʉwʉrʉra jõma». 11 Bãjanebemara sobiaidua akʉza drʉadebemasida sobiaidua. Pʉzasida ogʼabianʉmaibara akʉza jõma maʉ̃ne edabʉbida. 12 Oidebʉta akʉza iyide nekʼãrẽ jõmabʉra sobiaidua. Akʉza bakurura oide bʉsida jʉraidua sobiaba 13 Jeowa kĩrãbita, iyira zei baera naʉ̃ drʉadebʉ jõma kʼawua oita. Naʉ̃ drʉade ẽbẽrarãbʉrãra Jeowabara aripe kʼawua oyi akʉza pʉwʉrʉrasida.