Hechos
23 Sanedrinta kĩrãkita akʉ kʼãrãpe Pabloba jarasi: «Mebẽrã mʉ̃a idibasidu mʉ̃ krĩchara Daizeze nãã kʼãrẽ jaigʉa ẽã erbʉ nebiata ozebʉrʉ baera». 2 Maʉ̃ ũrĩbʉrʉba, sumo saserdote Ananíasbara jarasi iyi kʼawapanʉra ima deguebidamarẽã. 3 Mawũẽra Pabloba jarasi: «Daizezeba deguebiyi bʉra sewanebʉrʉ omia. ¿Bʉara Leydeba kʼawua okĩrãbʉ mʉ̃ra, mamina bʉara oẽ Leyba jarabʉra, bʉa mʉ̃ta podamarẽã zokʼasi baera?». 4 Iyi kʼawa panʉraba iya jarasida: «¿Bʉra imitia bedʼeabʉka Daizeze sumo saserdotea?». 5 Pabloba panʉsi: «Mebẽrã, mʉ̃a kʼawua ẽ basi iyi sumo saserdotera. Bʉtabʉ baera: ‹Imitia bedʼearãra miabaʉ nokʼo bʉ pʉwʉrʉdebemara›».