Juan

9 Berabari wãne ũdusi yumakẽrã dauberrea todapeadata. 2 Aramaʉ̃ta iyi kʼaidupanʉrabara widisida: «Rabí, ¿kʼaiba nemitia osi naʉ̃ yumakẽrã kʼãwũã todaira: iya mawũã ẽ bʉrʉ yibariraba?». 3 Jesuba panʉsi: «Nemitia o ẽ basi iyita mia yibarirata, naʉ̃ra kʼãwũã berabarisi biʼia ũdudamarẽã Daizezeba kʼãrẽ oseabʉta. 4 Mʉ̃ zokʼabʉedaba jaradata odaibara kiʉi naena. Kiʉbʉrʉdera mia abaʉta trajabeda ẽ. 5 Mʉ̃ naʉ̃ drʉade bʉedara, mʉ̃ara naʉ̃ drʉa ʉ̃nabibʉ». 6 Maʉ̃ jara kʼãrãpe idusi egoro eda iyi ibaba egorora susua okʼãrãpe yumakẽrã dabʉde kʉsi. 7 Mõbe jarasi: «Sʉgʉde wãra Siloam pozoidu» (jarakĩrãbʉ «zokʼabʉeda»). Aramaʉ̃ta jʉ̃ẽsi mõbe sʉgʉsi. Jẽda zebʉrʉdera ũduseabasi.