2 Pedro

12 Maʉ̃ k’area, marabara ĩjãpanʉmina wãrĩnuta akʉza k’awuapanʉmina mʉ̃a mara kĩrãbebikĩrãbʉ. 13 Mʉ̃ zok’ai bʉedara mʉ̃a kĩrãbebibayi marara urumabeadamarẽã. 15 Mʉ̃ara nek’ãrẽ jõma oyi, mʉ̃ wãna tẽã mayikʉzaʉba kĩrãbedamarẽã. 16 Mawũã ẽ, daibara mara kʼawuabi ẽ basi Jesu kristo zareara akʉza iyi ʉ̃nanata bari sewa nebʉraraneba, awuarabʉrʉ dai dabʉba ũdusi iyi sãwũã ʉ̃nanata. 17 Iyira Daizezeba bia edasi akʉza nebiata ũdubisi nemi ʉ̃tʉba iya naʉ̃ bedʼeata jaraside: «Naʉ̃ra mʉ̃ Warra mʉ̃a kãga; mʉ̃a iyira bia akʉbʉ». 18 Mawũã, daiba ũrĩsi naʉ̃ bedʼea ʉ̃tʉba zedara dai iyibawara baside katuma neneẽãbʉmae. 19 Mawũẽra daibara biʼia kʼawuapanʉ propesia bedʼeara, maraba bia opanʉ kĩrãkita akʉpanʉne ĩbĩrãba paisosonʉmʉmae ũnabibʉ kĩrãkʼa (ewari ũnadrʉyeda akʉza lucero ũnadrʉ zeyeda) mara sode. 20 Naʉ̃ta kʼawuaidua, Daizeze Bedʼeara iyi ʉ̃rʉ bʉdapeadabara, ãyi krĩchata bʉda ẽ basi mia wiñabida. 21 Jõma ãya jaradara ẽbẽra krĩchadeba ze ẽ basi, awuarabʉrʉ ẽbẽrarã Daizeze jauredeba bed’easida.