Eclesiastés

5 Zok’aibʉrabara krĩchabʉ beita, mamina beidabara mia k’ãrẽsida krĩcha ẽ. Akʉza k’ãrẽ oibadara kĩrãduasi. 6 Adewara iya kãgabʉra, jurabʉra, jiwabʉra maʉ̃rara jõma kĩrãduasi, wuara k’awua ẽ bayi k’ãrẽ opanʉta ũmadaʉ edrera. 10 Jõma bʉ juwaba k’ãrẽ oseabʉra ora bʉ zareaba, neẽ trajaira, mia krĩchaita, mia k’awuita, mia buru biata, egoro zobeade bʉ wãmara 11 Akʉza ne audre ũdubʉrʉ naʉ̃ drʉadera: yi audre wẽbabʉbara ewari jõmaʉ̃nẽ nããra ze ẽ, mia zarea barabʉrabida ewari jõmaʉ̃nẽ ganana ẽ yõra, mia buru biarasida ewari jõmaʉ̃nẽ yiko erpanʉ ẽ, mia yi ne mesera kʼawuabʉbara ewari jõmaʉ̃nẽ plata erbʉ ẽ, mia ewari jõmaʉ̃nẽ bia wã ẽ yi ʉ̃ta kʼawuabʉsida. Jõmaʉ̃ta edaʉde ewari kayirua erpanʉ baera akʉza daya kʼawua ẽãne zʉbʉria ũdupanʉ baera.