Miqueas

2 Pʉwʉrʉ mejãchaʉta wanañi mamara, mõbe jaradayi zeidua wãdrʉ Jeowa katumaena, Jako zeze deda iya jaradiamarẽã iyi ota, mawũã iyi ode b’aita, sionneba ʉ̃tʉzeyi leyta, Jerusalenneba Jeowa bed’eata. 3 Iya k’awua oyi pʉwʉrʉ mejãchaʉta akʉza edeyi nenẽã babita pʉwʉwʉ zareaberaita akʉza jĩgaberaita. Akʉza kʉchora pala babiyi akʉza ãyi miazʉra tigera babiyi. Mia abaʉ pʉwʉrʉba kʉcho jiradadakabayi awuru pʉwʉrʉ beaita, mia abaʉba wuara yõ k’awuada ẽ bayi. 4 Ãya ne u uba udamae jewedadayi akʉza bakuru iguera edre, adewara miõba daʉperada ẽ bayi, Jeowaba mawũã jarasi baera. 5 Pʉwʉrʉra jõmaʉ̃ta wãpanañi ãyi daizeze trʉ̃neba, mamina daira wãpanañi dai Daizeze Jeowa trʉ̃neba ewari jõma.