Lucas

2 40 ewari bade Diaruba kayiruata obikĩrãbasi. Kʼãrẽ ko ẽ basi baera, maʉ̃ba iyira jarrabasi. 5 Tẽã Diarubara katuma zromainu edesi. Mama ũdubisi nokʼora drʉa jõmaʉ̃ne bemata. 6 Aramaʉ̃ta Diaruba jarasi: «Mʉ̃a bʉa jõma diayi nokʼoraba erbʉta akʉza ãyita zokʼamarẽã, naʉ̃ra mʉ̃a diasida baera jõma, maʉ̃ba diaseabʉ mʉ̃ya diakĩrã. 7 Mamina bʉta mʉ̃ kĩrãbita sãkokode kobera, naʉ̃ra jõma bʉrebayi». 8 Jesubara mawũã panʉsia: «Yi bʉmata mawũãbʉa: Daizeze Jeowatrʉ kãgara iyi bed’eatrʉ aribaedua». 16 Maʉ̃ tẽã jʉ̃nea iyira wãsi Nazaretʼeda iyi waridama, mõbe wãsi sinagoga eda Sabadoza wãpanʉ baera. Aramaʉ̃ta piradrʉ totosi leita. 17 Aramaʉ̃ta diasida royo propeta Isaíasba bʉdata. Mõbe royo ewa kʼarãpe naʉ̃ bedʼeata jʉrʉ edasi. 18 «Jeowa jaure zareara mʉ̃ ʉ̃rʉbʉ, iya mʉ̃ra jʉrʉsi bedʼea bia jarakamarẽã nekʼãrẽ neẽãbʉra. Zokʼa bʉesi ẽdrʉbita jida erberata, yi dauberreaberata jẽda ũdubimarẽã akʉza ẽdrʉbita yi zʉbʉriabʉrata, 19 Jaradiata Jeowaba ẽbẽra ẽdrʉbi ʉ̃rʉ. 20 Tẽã iyi royo buratu kʼarãmape diasi sinagogade kʼareba bʉa mõbe jewedasi, ẽbẽrarã jõma iyi kʼawa panʉrabara iyitrʉ akʉpanasi. 21 Mõbe naʉ̃ bedʼeata jarasi: Mʉa propesia atia letadera idi aripe berabaridogo. 22 Iyi ʉ̃rʉra jõmaʉ̃ta ibia bedʼepanasi akʉza jõmaʉ̃ba ũrĩkĩrã ũrĩpanasi iya bedʼea biata jarasi baera. Jarapanasi: iyira José warra ¿bumabida? 23 Mõbe jarasi:« Mʉ̃a kauchʉ mʉ̃ ʉ̃rʉ naʉ̃ta jaradaita. ‹Mediko bʉyi kʉza bebira. Akʉza jaradayi bʉ drʉade bida orua bʉa Capernaúmʼne odata›». 24 Akʉza jarasi: Miabaʉ propetata iyi drʉadera bia edada ẽ. 25 Bari jaraita Elías ewaridera Israeldera pẽdrarãra mejãcha basita, akʉza maʉ̃ drʉadera kuera ze ẽ basi tres años y medio bayeda, adewara jarrabata mejãcha ũdusida, 26 mamina Elíasʼra maʉ̃ra akʉde zokʼa ẽ basi, awuarabʉrʉ zokʼasi Sareptade pẽdrabʉ akʉde pʉwʉrʉ Sidónʼne. 27 Adewara Eliseobara yaga bari bʉrarã bebi ẽ basi Israeldera, awuarabʉrʉ bebisi Naamán asiria debemata. 28 Maʉ̃ kʼãrẽa ẽbẽrarã sinagogade bʉrãra maʉ̃ bedʼea ũrĩburʉdera mejãchade kĩrʉ̃sida jipa. 29 Aramaʉ̃ta mesera piradrʉda kʼarãpe edesida pueblodeba katumainu, barrancadeba ubalbuedaita, maʉ̃ pueblora katuma ʉ̃rʉ basi. 30 Mamina iyira ãyi ẽzadra berabari kʼarãpe wãsi. 43 Mamina iyara jarasia: «Mʉ̃ara adewara jaradiaibara bed’ea bia Daizeze Noko ʉ̃rʉ. Mʉ̃ra maʉ̃ k’area zok’asida baera».