Ester

5 Mawũẽra, Susade nokʼo deda basi judio aba yi trʉ̃ Mardoqueota, iyira Jair warrabasi, Simeí warrabasi, Quis warrabasi, iyira Bejamínʼnebemabasi, 7 Mardoqueobara akʉbasi iyi prima Hadassáta, iyabaʉta Ester, iyira jẽrãmarabasi baera. Naʉ̃ wũãwũãra jipade biʼiakirasi. Yi yibarira beida tẽãra iyira Mardoqueoba dapʉẽsi iyi kau kĩrãkʼa. 9 Hegáibara bia akʉsi naʉ̃ wẽrãra akʉza bia edasi. Iya nekʼãrẽ diasi mawũã bia ũdukĩrãmarẽã akʉza yiko biata diasi. Adewara nokʼo nezokʼa wẽrãnebema yi audre yibiarata 7 diasi. Tẽã iyita akʉza iyi nezokʼarata edesi wẽrãra de yi audre yibiama. 15 Ester (Mardoqueo Abihail sobrinoba dapʉẽna, Abihailʼra wẽrã zezebasi) nokʼoidu jʉ̃ẽside, iyara bari widisi Hegáiba jaradatrʉ, naʉ̃ eunukora nokʼo nezokʼabasi akʉza wẽrãra akʉbaribasi. (Iyi mama bʉedara nekãrẽ osi iyita bia akʉdamarẽã).