Filipenses

1 Pablota Timoteoʉ̃mera, kristo Jesu nezoka, mebẽra jõmaʉ̃a Jesu k’aidu bʉa pilipode, zõrãrã jĩga wãbʉa, akʉza zõrãrã k’arebabarira. 7 Mʉ̃a mara jõmaʉ̃ra ʉ̃rʉ krĩchabʉra aripebʉ, mʉ̃a mara mejãcha kãga. Marabara kʼareba opanʉ Daizezeba trajo omarẽã zokʼadata, karseldebʉde akʉza nokʼo nãã bedʼeabʉde idu jaradiabimarẽã. 9 Mʉ̃ra k’ãwũã yiwid’ibʉa: Marara kãgade audre waridamarẽã bi’ia ũduk’awuapanʉne akʉza k’awuadamarẽã saʉ̃ta yibiata, saʉ̃ta zeri ẽãta; 10 Oidua nek’ãrẽra audre yibiata, mawũã neneẽã baita akʉza awuru baebi ẽ baita Kristo ewari zeyeda. 11 Jesu k’arebadeba marabara nebiata bi’ia odaya, Daizeze ʉ̃rʉ bia bed’eadamarẽã. 14 Maʉ̃ kʼãrẽa atiara, mebẽrã mejãchaʉta so zarea jidabʉrʉ Daizeze Bedʼea jarakaita pera ẽã, kʼawuasidabaera mʉ̃ karselde bʉta mawũã ũdubibʉ zowaĩnĩgʉa erbʉta. 19 Mʉ̃a kʼawuabʉ maʉ̃neba ẽdrʉita mʉ̃ra, maraba widibʉdeba akʉza Jesuba jaurede kʼarebabʉdeba. 25 Mawũẽra, maʉ̃ ʉ̃rʉ ĩjãbʉ baera, mʉ̃a kʼawuachu mʉ̃ra wabida zokʼai bʼaita akʉza mara jõmabawara wabida bʼaita, marata Daizeze ode wari wãmarẽã adewara sobia panamarẽã maraba ĩjãbʉde. 27 Kʼẽrẽpa panaidua bedʼea bia Kristo ʉ̃rʉ jaradiapanʉ baera, mʉ̃ marainʉ wãimina mawũã ẽ bʉrʉ wae ẽ bʉsida, mawũã kʼawuaita marara kʼẽrẽpa panʉta ãba jõma akʉza ãba zarea opanʉta bedʼea bia maraba ĩjãbʉ jaradiaita.