Deuteronomio

6 Zarea panaidua akʉza zowaĩnĩgʉa panaidua, peraraidua akʉza ãyita wawiaraidua, Jeowa mara Daizezera marabawara wã baera, Jeowabara marara doba amae ẽ bayi». 7 Mawũẽra Moisésba trʉ̃si Josuéta mõbe jõma Israel nãã jarasi: «Zareabara akʉza zowaĩnĩgʉa bara», bʉabʉrʉ edei baera naʉ̃ pʉwʉrʉra Jeowaba mara nãã pananara drʉa diaya adama. Maʉ̃ta bʉa ãya diayi. 8 Jeowara bʉ nãã wã baera akʉza iyira bʉme bayi. Bʉra doba amae ẽ bayi. Kʼãrẽta wawiarãra mia perarãra». 12 Pʉwʉrʉdebema jõma ãba jʉredaidua, yumakẽrãrata, yuwẽrãrata, wũãwũãrata akʉza pʉwʉrʉ jãpeba zebʉrʉta, mawũã ũrĩnamarẽã adewara k’awuadamarẽã akʉza Daizeze wawia ũdubi k’awuadamarẽã, mawũã kĩrãkita ũrĩnamarẽã leyba jõma zok’abʉta. 29 Mʉ̃a biʼia kʼawuabʉ mʉ̃ beida tẽãra, marabara nekayiruata ojʉ̃drʉdaita akʉza ãĩ wãnaita mʉ̃a zokʼa amaena odeba. Akʉza ʉ̃ra zeide mara ʉ̃rʉ zeyi nemitiara, marabara Jeowa dabʉ nãã biga ẽãta oi baera, maraba nekʼãrẽ obʉdeba kĩrʉbiyi Jeowara.