Levítico
7 Mawũẽra kabritora ũmeta jida kʼãrãpe edeyi Jeowa dabʉ nãã, bʉeita tienda ãba yijurebarimae. 8 Aarónbara kabritora ũmebʉta aba jidaita suerteta oyi: aba Jeowaita jidaita akʉza ababemara Azazelʼita. 9 Aarónba suerte oda tẽã Jeowaita kabrito jidadara oprendade diayi kayirua odabari. 10 Mamina kabrito Azazel’ita jidabʉra Jeowa nãã zok’ai edeibara mawũã maʉ̃neba nekayiruata kĩrãduamarẽã, mawũã Azazel’ita zok’adaita drʉa ibʉawabʉidu. 12 »Maʉ̃ tẽã jidayi epedeko zake tʉbʉ kĩrãnebema altardebʉta Jeowa nãã akʉza juwa ʉ̃me insienso tũãpoabʉ naʉ̃zabadata, maʉ̃ra edeibara wua ãbudeare. 13 Iyara insiensota tʉbʉde Jeowa nãã bʉeibara akʉza insienso narĩba jõma anañi Arca tapara, Testimonio ʉ̃rʉbʉta, mawũã bei ẽ baita. 14 »Iyi juwa jiwiniba jĩzoabikʉayi toro wata juwarare tapa kĩrãbita. Iyi juwa jiwiniba jĩzoabikʉayi maʉ̃ waba 7 bayeda tapa kĩrãbita. 15 »Maʉ̃ tẽã beayi kabrito oprendadebemata pʉwʉrʉba nekayirua oda k’area, edeyi yi wata wua ãbʉdeare akʉza toro waba oda kĩrãk’a iyaba oyi maʉ̃ waba. Jĩzoabikʉayi tapa ʉ̃rʉ akʉza tapa nãã. 21 Kabrito zokʼaibʉ buru ʉ̃rʉ Aarónba bʉeyi iyi juwata mõbe jarayi jõma israelitaraba nekayirua odata, maʉ̃ba maʉ̃ nekayiruara kabrito buru ʉ̃rʉ amʉena kĩrãkʼabayi, yumakẽrã maʉ̃ omarẽã jidada peadaba edeyi drʉa ibʉawa bʉeda. 22 Kabritobara jõma edeyi ẽbẽrarãba kayirua odara, maʉ̃ra edeyi drʉa ibʉawa bʉeda akʉza iyara zokʼa bʉeyi kabritora drʉa ibʉawa bʉeda.