Efesios

5 Mawũẽra, Daizezeba marara iyi wũãwũara kĩrãkʼa kãgabʉ baera marabida iyide kĩrãkʼa oidua 2 akʉza kãga ode bara, Kristoba dayirã kãgada kĩrãkʼa akʉza dayirãbari diasi oprenda kĩrãkʼa akʉza sakripisio kĩrãkʼa, maʉ̃ra Daizezeita nekʼãrẽ tũãpoabʉ kĩrãkʼabʉ. 3 Dayi kakua neida oita, nek’ãrẽ badu jaigʉabʉta mawũã ẽ bʉrʉ mejãcha nek’ãrẽ erbaita, maʉ̃ra ʉ̃rʉ marara bed’ea ẽ baibara mayirai, ẽbẽra neneẽãbʉba obʉ kĩrãk’a. 4 Yãrã so perabibʉta oraidua, bedʼeata kʼawua ẽ jarãraidua akʉza i kayirua bedʼearaidua, naʉ̃ra bigachu ẽ baera. Awuarabʉrʉ biga diaidua. 5 Marabara kʼawuabʉ akʉza biʼia ũrĩbʉ dayi kakua neida obʉta, jaigʉabʉta akʉza nekʼãrẽ bia erbaita mejãcha kãgabʉta (nekʼãrẽ oma yiwidʼita), Daizeze Nokʼode akʉza Jesu Nokʼode eda ba ẽ bayi. 6 Yi sewida jarapanʉa yi sewabiraidua, maʉ̃ kʼarea Daizezebara iyi bedʼea ũrĩ ẽãra zʉbʉria oyi. 7 Maʉ̃ kʼarea ãyide kĩrãkʼa oraidua; 8 nããra marara pãrĩguabasi, mamina atiara ũnapanʉ, Jesuʉ̃me panʉ baera. Mawũẽra ũna wũãwũã kĩrãkʼa panaidua. 9 Ũnaneba zebʉbara naʉ̃ta ũdubibʉ, ẽbẽra bia, nekʼãrẽ aripe obʉ akʉza wãrĩnu. 10 Biʼia akʉidua Daizezeba kʼãrẽta kãgabʉta. 15 Jʉra k’awua bʼaidua mara sãwũãbʉdeba, baraidua k’awua ẽ bʉ kĩrãk’a, awuarabʉrʉ b’aidua ẽbẽra buru biaba obʉ kĩrãk’a, 16 ewari jʉrʉibara nebia oita, naʉ̃ ewarira kayiruaba birabʉ baera. 17 Krĩcha neẽ kĩrãk’a bearaidua, awuarabʉrʉ k’awuaidua k’ãrẽta kãgabʉta Jeowaba. 18 Kĩrã purraraidua binoba, maʉ̃ba edebʉ baera kayirua eda; awuarabʉrʉ Daizeze jaure zarea yi edebidua. 19 Mayirai bedʼeabʉrʉde jaraidua salmota, trãidua trãbi Daizeze ʉ̃rʉ ibia bedʼeabibʉta akʉza trãidua trãbi Daizezedebemata adewara zaidua trãbita mayi soiduba Jeowaita. 20 Nekʼãrẽ jõmaʉ̃bari Daizezea ewari jõmaʉ̃nẽ biga diaidua, Jesu trʉ̃neba. 22 Wẽrãrabara ũrĩbara yi kima bed’eara, Kristo bed’ea ũrĩbʉ kĩrãk’a. 23 yumakẽrãra yi kima buru, abarika Jesura kongregasion buru kĩrãk’a, iya ẽdrʉbisi baera. 24 Kongregasionba Kristo ĩjãbʉ kĩrãk’a, yuwẽrã kima barabʉbara yi kima bed’eara jõma ĩjãibara. 25 Yumakẽrãra, mara kimara kãgaidua, Kristoba kongregasion kãgabada kĩrãk’a, dayirã kãgaba idu yi beabisi. 26 Neneẽã babita, sʉgʉsi iyi Bed’eadeba neneẽa baita, baniaba sʉgʉda kĩrãk’a 28 Yumakẽrã kimabarabʉbara yi kimara kãgaibara ãyikʉza iyi kakua kãgabʉ kĩrãk’a. Yi kima kãgabʉbara iyikʉza yi kãgabʉ, 29 mia abaʉba jʉra ẽ iyi kakuara, awuarabʉrʉ ne diabʉ akʉza kãga erbʉ Kristoba kongregasion kãga erbʉ kĩrãk’a, 33 Maʉ̃ k’area mayi aba abakaʉba kãgaidua mara kimara, mayikʉza kãgabʉ kĩrãk’a, adewara yuwẽrãbida wawia ũdubibara yi kimara.