Colosenses
5 Mawũẽra beaibara, dayirã kakuadebemara naʉ̃ drʉa ʉ̃rʉbʉra juwa jida ẽ nãã ãba k’ãĩra, yi mitiara, mia erk’ãĩ k’area jarrabʉta, krĩcha kayiruata akʉza jõma erbakĩrãbʉra, maʉ̃ra santo’a yiwid’ibʉ kĩrãk’abʉ. 8 Mamina naʉ̃ jõma idubʉidua: soiduba kĩrʉbʉta, yi kayiruata akʉza yãrã imitia jarabʉta adewara bedʼea mitiata jararaidua. 9 Mayirai sewa nebʉrata orarãidua, idubʉidua nãã kayirua jʉ̃badara. 10 Akʉza jʉ̃idua krĩcha yiwidita, maraba aripe k’awua wãneba krĩchara yiwidiba wã yi parãnane kĩrãk’a. 12 Daizezeba marara mejãcha kãgabʉ baera jʉrʉsi nenẽãbamarẽã, maʉ̃ kʼarea wuabemarata soborekea akʉra, ẽbẽra biabara, edabʉta krĩchara, urumʉ̃rʉãbara akʉza jʉ̃ãbara. 13 Yiya awuantaidua akʉza ibiade kĩrãduaidua mara ʉ̃rʉ nemitia osidamina. Jeowaba mara nemitiara ibiade kĩrãduasi, marabida abarika mawũã oidua. 14 Maʉ̃ awuara, kãgata jʉ̃ɨdua maʉ̃bʉrʉ biʼia ãba babibʉ baera. 15 Mamina, kristoba neneẽãbʉ erbʉba maʉ̃ba bia zok’ara bʉ sora. Marãra kakua aba pai duanʉ baera trʉ̃sida. Maʉ̃ba biga diabʉta ũdubira 16 Kristodebema bedʼeara mara sode erbaidua, mayirai jaradiaidua adewara so zarea diaidua Salmonebema trãbiba, Daizezeʼa trãbʉde akʉza Daizezeʼa trãbʉde biga diaita. Trãnaidua Jeowaʼa soiduba. 19 Yumakẽrã kima barabebara kãgabaibara yi kimara, akʉza iyiʉ̃me kĩrʉrãra. 20 Warrara ũrĩdua bʉ yibarira bed’eata nejõmaʉ̃nẽ, mawũãra sobiabibʉ Daizezeta. 21 Zezera mara wũãwũãra kĩrʉbiraidua ãyi so ãrĩ ẽ marẽã. 23 Nekʼãrẽ badu obʉdata oidua zokeade Jeowaita odai kĩrãkʼa, mawũã ẽbẽrarãita ẽ, 24 maraba kʼawuapanʉ baera Jeowaba diaita nebiata maraba obʉ kʼarea. Kristo mara Yibari, iyi nezokʼa bʼaidua.