2 Corintios

7 Aba abakaʉba mayi sodeba krĩchabʉta oidua, oamane oraidua akʉza diamane diaraidua, Daizezebara kãga sobiade diabʉta. 11 Mara nek’ãrẽ jõma dianʉmʉ marabida nek’ãrẽ diadamarẽã wuabemara akʉza daiba nek’ãrẽ wuabemara diabʉdeba ẽbẽraba Daizeze’a biga diakĩrãbibʉ. 12 Maraba k’ãwũã k’arebanʉmʉbara bari k’arebanʉmʉ ẽ mebẽrãba nesidabʉde, awuarabʉrʉ naʉ̃ba ũdubibʉ ãyabida nek’ãrẽ biodeba Daizeze’a biga diadamarẽã. 13 Mawũã ẽbẽrarã zʉbʉriapanʉrabara ibia bed’eadayi Daizeze ʉ̃rʉ, maraba mawũã k’arebabʉdera ũdubibʉ Jesuba bed’ea bia jaradia amaenata ũrĩpanʉta, maʉ̃ta wuabemara ẽbẽra jaradiapanʉta akʉza nek’ãrẽ diapanʉta ãyita’a akʉza wubemara jõmaita. 14 Mawũã ãyi yiwid’ibʉrʉdera Daizeze’a jaradayi mara mejãcha kãgabʉta, maraneba ãyita k’arebasi baera Daizezebara.