1 Tesalonicenses

2 marabara bia kʼawuapanʉ baera Jeowa ewarira zeita nezrʉgamia diamasi zebari kĩrãkʼa. 3 Ãya jarabʉrʉde «Aduʼa bʼaita», aramaʉ̃nẽ zeyi jõira, yuwẽrã toita pʉa teibabari kĩrãkʼa, mia abaʉta ẽdrʉ ẽ bayi. 6 Mawũẽra, kʼãĩnʉma ẽ baibara wuabemaraba obʉ kĩrãkʼa. Awuarabʉrʉ dauba panaibara akʉza bia krĩchaibara. 7 Yi kʼãĩpanʉrabara diamasi obʉ akʉza yi kĩrãpʉrrabʉbara obʉ diamasi. 8 Dayirãra ewaridebema baera, kʼẽrẽpapanaibara adewara jʉ̃ibara trʉ̃ãne jʉ̃bari ĩjãinebemata, kãgadebemata akʉza jʉ̃ibara kasko nebia jʉ̃ãinebemata, 11 Maʉ̃ kʼarea mayirai so zarea diaidua akʉza mayirai kʼarebaidua maraba atia obʉ kĩrãkʼa. 12 Mebẽrã, mara widibʉ wawia ũdubidamarẽã yi marane zarea trajapanʉraʼa, mara nãã edepanʉra akʉza maraʼa ũrãgʼabʉraʼa. 13 Ũdubidua ãyaʼa yi zroma kĩrãkʼa akʉpanʉta akʉza kãgaidua ãya nekʼãrẽ obʉ kʼarea. Akʉza mayirainʉ aduʼa panʉidua. 14 Maʉ̃ awuara, mebẽrã daibara widipanʉ ũrãgʼadamarea yi kʼẽrẽpapanʉra ẽãra, so zarea diadamarẽã yi krĩcha opanʉrãra, kʼarebadamarẽã yi zarea neẽãpanʉra akʉza jõmaʉ̃bawara jʉ̃ã kʼawuapanamarẽã. 17 Yiwidʼidua badua. 18 Biga diaidua nekʼãrẽ jõma bari. Daizezebara maraba naʉ̃ta omarẽã kãgabʉ, maraba ĩjãbʉ baera Jesucristota. 19 Jĩga wãbiraidua Daizeze jaure zareata. 20 Propesiarata igararãidua. 21 Nekʼãrẽ jõmabera bia akʉidua akʉza nebiatrʉ erpanaidua.