Marcos

12 Aramaʉ̃ta jaure zareaba edesi desiertoidu. 13 Maʉ̃ desiertodera ewari 40 bayeda basi. Akʉza Diaruba bae bikirãbasi. Iyi audura basi nedʉwʉrʉ mẽsiata, mamina iyira angeleraba akʉpanasi. 15 Jarasi: «ewari jʉrʉdapeadara arabasi akʉza Daizeze Nokʼora ara kaitaba, maʉ̃ kʼarea idubʉidua maraba ne kʼayirua obʉra ĩjaidua bedʼea biata.» 16 Galilea puza doya wãne, ũdusi Simónta akʉza iyi mebẽã Andrésta ãyara atarrayata balbʉebarabasi, beda beaita. 17 Mõbe Jesuba jarasi: «Mʉ̃kaidu zeidua, mʉ̃a jaradiaya ẽbẽrarã beda oita». 18 Aramaʉ̃ta ãyira ãyi atarraya idubu kʼãrãpe kʼaidu wãsida. 29 Sinagogadeba wãsida ãyira, Santiago akʉza Juanʼʉ̃me Simón deda akʉza Andrés deda. 30 Simón pakõrera kayanʉmasi kʉwamiaba maʉ̃ba kamane kirasi, aramaʉ̃ta Jesuʼa jarasida. 32 Mamina bisia baeda tẽã ẽbẽrarãbara wesida kayararã akʉza jai aberarã. 33 Maʉ̃ pʉwʉrʉdebema ẽbẽrarãra puerta kĩrãbita panasi. 35 Diapeda pãrĩguaeda piradrʉ kʼãrãpe wãsi, mio neẽmae, mama yiwidʼisi. 41 Jesura jipa soborekea kʼãrãpe juwa wua kʼãrãpe tõbarisi, mõbe jarasi: «Mʉ̃ara kãgabʉ. Neneẽã bara».