Salmo

27 Jeowabara mʉ̃ ʉ̃na akʉza mʉ̃ ẽdrʉbibari. ¿K’ai k’area perai? Jeowara mʉ̃ bebʉ zarea. ¿K’ai k’area perabai? 2 Kayiruaraba mʉ̃ta orrasidade mʉ̃ yara koita, ãyira mʉ̃ ne jurarãbasi, ãyira tenẽdrʉsida akʉza baesida. 3 Gorogororãba mʉ̃ audu purra jidabʉrʉbʉsida, mʉ̃ sora peraẽbayi. Mʉ̃ ʉ̃rʉ yõi pirabari bʉsawabʉsida, mawũãsidu audre ĩjãbayi. 4 Mʉ̃a naʉ̃ta widisi Jeowa (mʉ̃a maʉ̃ta jʉrʉyi): ewari jõmaʉ̃nẽ mʉ̃ta Jeowa deda babimarẽã, ũduita sãwũã Jeowara ẽbẽra biabʉta akʉza akʉita bʉ templota. 7 Ũrĩda Jeowa, mʉ̃ bʉa jʉrabʉrʉde kʼarebamarẽã, mʉ̃are bʉta ũdubira akʉza panʉra. 8 Bʉ ʉ̃rʉ mʉ̃ soba jarabʉ: «Maraba mʉ̃ta jʉrʉidua». Jeowa, mʉ̃a bʉra jʉrʉyi. 9 Bʉ mʉ̃ kʼarebabʉra, mʉ̃ta doba idubʉrãra akʉza mʉ̃ta amaerãra, Daizeze mʉ̃ ẽdrʉbibari. 10 Mʉ̃ yibariraba amaeimina, Jeowaba mʉ̃ra akʉyi. 11 Jeowa jaradiara bʉ ota, jaradiara o aripe bʉta mʉ̃ nejʉrara k’area. 12 Mʉ̃ra amerãra mʉ̃ nejʉra juwade, mʉ̃ ʉ̃rʉ sewa nebʉrata mejãcha jarapanʉ akʉza yõkĩrãpanʉ. 13 ¿Mʉ̃ra sama bakasi, mʉ̃a ĩjã ẽ basibʉrʉ Jeowaba kãga jõka ũdubita ẽbẽrarã zok’aipanʉ drʉade? 14 Jʉ̃ãra Jeowata; zareabara akʉza bʉ sosida zareabara. Mawũã, jʉ̃ãra Jeowara.