Revelación

21 Mawuẽrã mʉ̃a ũdusi bajã yiwidita akʉza drʉa yiwidita; nããbema bajãra akʉza nããbema drʉara neẽbasi baera akʉza pusasida neẽbasi. 2 Akʉza ũdusi pʉwʉrʉ neneẽãbʉta, Jerusalén Yiwidi ʉ̃tʉba bae uruta, Daizeze maeba. Akʉza maʉ̃ pʉwʉrʉra yuwẽrã juwa jidai ewaride biʼia yobʉ kĩrãkʼa yobasi yi kima bʼaita. 3 Mʉ̃a ũrĩsia bʉguedeba nemi jĩgʉa bed’eabʉta mõbe jarasia: «¡Akʉidua! Daizeze dera ẽbẽrabawarabʉta. Iyira ãyibawara bayi akʉza ãyira iyi pʉwʉrʉ bayi. Daizezera ãyibawara bayi. 4 Daizezebara jõma jõbiyi daʉbara akʉza beira wuara neẽbayi, so zʉbʉriaira adewara zʉbʉria bedʼeaira neẽbayi, pʉa nãã ũdubadara neẽbayi». 5 Mõbe bʉguede jewedabʉba mawũãsi: «Akʉra, mʉ̃ara nekʼãrẽ jõma yiwidi babinʉmʉ». Adewara jarasi: «Bʉra naʉ̃ bedʼearata, kʼẽrẽpabʉ baera akʉza wãrĩnu baera». 6 Iya mʉ̃aʼa jarasi: «Maʉ̃ra wãrĩnu berabarisi. Mʉ̃ra Alfa akʉza yi Omega, yi jʉ̃drʉdata akʉza yi jõbibʉta. Yi obisiabʉara mʉ̃ara do dabʉ bania ewari jõmaʉ̃nẽ bʼaidebemata bari diayi. 22 Mʉ̃a maʉ̃ pʉwʉrʉdera templora ũdu ẽ basi, Jeowata akʉza Jesuta yi templora baera. 23 Naʉ̃ pʉwʉrʉbara nesida ẽ ũmadaʉba akʉza jedekoba iyi ʉ̃rʉ ʉ̃naita, Daizezeba ʉ̃na erbʉ baera akʉza Korderota yi ĩbira baera.