Proverbios
22 Audre biga dayi ʉ̃rʉ ibia bedʼeadamarẽã nekʼãrẽ bia mejãcha erbaira, dayaʼa wawia ũdubidaira audre biga plata akʉza oro erbaira. 3 Yi buru biabara k’ãrẽ kayirua akʉ k’ãrãpe mĩrʉbʉ, mamina yi buru bia ẽãra maʉ̃ne wãpe zʉbʉria berabaribʉ. 4 Edabʉta ũdubira akʉza Jeowaʼa wawiata ũdubira, nebiata erbayi, daya wawia ũdubidayi akʉza bebʉta erbayi. 6 Jaradiara bʉ wũãwũã saʉ̃ ode wãita, maʉ̃ba zõna babʉrʉde o jãpe wã ẽ marẽã. 17 Biʼia ũrĩra buru biaba bedʼea jarabʉra, mʉ̃a jaradiabʉra bʉ soidu jʉ̃ẽmarẽã 19 Idi mʉ̃a bʉaʼa jaradiayi wãrĩnu Jeowata ĩjãmarẽã. 29 ¿Bʉara ũdubarika ẽbẽra abaʉba bia obʉta iyi trajora? Nok’ora nãã piradrʉ bayi, mawũã badu ẽbẽra nãã ba ẽ bayi.