2 Corintios
7 Mʉ̃a kãgabʉrãra naʉ̃ nebiata jʉ̃ãpanʉ baera, dayi kakuata neneẽã erbaibara akʉza dayi krĩchara kayirua neẽã erbaibara, mawũã erpanaibara Jeowata wawiapanʉ baera. 5 Daira wãrĩnu baira, Macedonía drʉade jʉ̃ẽsidadera, daira enaʉ̃na ẽ basi awuarabʉrʉ mejãcha zʉbʉriata ũdupanasi ãĩra yõpanasi akʉza daisida mejãcha perapanasi. 9 Atiara mʉ̃ra sobiabʉ mamina sobiabʉ ẽ marata sopʉabisi baera awuarabʉrʉ sobiabʉ mawũã sopʉabʉba kʼarebasi baera jẽda krĩchadaita. Marara Daizezeba kãgabʉ kĩrãkʼa sopʉasida, maʉ̃ba mʉ̃a jarada kʼarea zʉbʉriada ẽ basi. 11 Akʉidua kʼãrẽ biata berabaribʉrʉta mara ʉ̃rʉ sopʉasida baera Daizezeba kãgabʉde. Maʉ̃ba kʼãrẽ bedʼea neẽã amaebʉrʉ marara akʉza kĩrʉnamarẽã, wawiata ũdudamarẽã, nekʼãrẽ soiduba kãgadamarẽã, zarea trajadamarẽã, ara odamarẽã nekʼãrẽ aña odara. Naʉ̃nera ũdubibʉda neneẽãpanʉta nejõmaʉ̃nẽ.