Proverbios
15 Ibiade bedʼeara taʉbiyi kĩrʉbira, mamina i kayirua jarara audre kĩrʉbiyi. 9 Jeowabara igara ẽbẽra kayirua ora, mamina kãga yi ẽbẽra zarea obʉra aripe oita. 15 Yi ẽbẽra zʉbʉria bʉitara, ewari jõma kayiruabʉ kĩrãk’abʉ, mamina yi ẽbẽra so sobiabʉra ewari jõmaʉ̃nẽ piestadebʉ kĩrãk’abʉ. 18 Ẽbẽra kĩrʉmiabara yõbibʉ, mamina yi mesera kĩrʉ ẽãra yõ taʉbibʉ. 22 Bedʼeada ẽãnera, nekʼãrẽ opanʉra aripe ze ẽ, mamina mejãchaʉba ũrãgʼabʉbʉrʉ nebiata ũduyi. 23 Yumakẽrãra sobiabʉ bia panʉbʉrʉdera. Kʼãrẽ kĩrãkʼa yi bia bedʼea bia jaraira nesidabʉde. 28 Yi ẽbẽra so aripe obʉbara bia krĩchabʉ panʉi nãã, mamina ẽbẽra kayiruara imitia bedʼeabʉ.