Jeremías

4 «Naʉ̃ta jarabʉ Jeowa gorogorora nokʼoba, Israeldebema Daizezeba, jõma yi Jerusalénʼneba Babiloniaena mʉ̃a jida edebidara: 5 ‹De parãidua mõbe mama panaidua. Ne uidua mõbe maʉ̃ta koidua. 6 Yumakẽrãrãra kima jʉrʉidua akʉza wũãwũãra baraidua; mara warrarasida juwa jidabidua warrara baradamarẽã. Mainʉ eabaidua, mawũã marara jõ ẽ baita. 7 Mara jida ededapeada drʉaidu jʉrʉidua mara aduʼapanaita akʉza Jeowa yiwidʼidua maʉ̃ drʉadebemara kʼarea, mawũã ãyita aduʼapanʉbʉrʉ marasida aduʼapanañi. 10 «Naʉ̃ta jarabʉ Jeowaba: 70 poaga berabaribʉrʉde Babiloniane, mʉ̃a marata jẽda akʉyi, mʉ̃ bedʼea aripe oita akʉza jẽda weyi nama. 11 »‹Mʉ̃yikʉza bia ũdu kʼawuabʉ maraita krĩchabʉra, (mawũã jarabʉ Jeowabara). Krĩcha zʉbʉria ẽ, neneẽã babita. Adewara jʉ̃ãbibʉ nebia ʉ̃rabʉrʉ zeita. 12 Maraba mʉ̃ra trʉ̃ñi yiwidʼibʉdade, aramaʉ̃ta mʉ̃a ũrĩñi­›.