Eclesiastés

4 Pʉãdrʉta akʉbʉbʉrʉ k’ãrẽ u ẽ akʉza yi bajã akʉbʉra ne u jʉrepe ẽ bayi. 5 Bʉa kʼawua ẽ jaure zareaba sãwũã waribibʉra wũãwũã bʉwʉrʉra yi papa biteda, abarika kʼawua ẽ Daizeze wãrĩnuara nekʼãrẽ jõma odaba kʼãrẽ obʉra. 6 Bʉ netara urua diapeda akʉza mara juwara paebirãra kewarare ubʉrʉdebida, k’awua ẽ baera saʉ̃ta bia pawãraita, mawũã ẽ bʉrʉ ãyi ũmena bia pawãraseabʉ. 9 Sobiabara bʉ warraraena, bʉ so sobiabira bʉyi warraraena. Bʉyi warraraena ora bʉyi sodeba jarabʉta akʉza bʉ dabʉba ũdubʉta, mamina kʼawuabara Daizezebʉrʉ k’awua oita iya k’awua oi ewari zebʉrʉde jõma opanʉra. 10 Maʉ̃ba idubʉra bʉ sode kĩrʉbʉra akʉza iduaribirãra bʉ kakuaba nemitia oita, dayi warrara bebʉ neponora wãrĩnu ẽ.