2 Corintios

4 Naʉ̃ trajota Daizezeita trajapanʉra, erpanʉ iya so zʉbʉria ũdubida kʼarea, maʉ̃ kʼarea paeda ẽ bayi. 3 Bedʼea bia dayirãba jaradiabʉta wuaba anabʉbʉrʉ, mawũabʉ ẽbẽrarã beiraitabʉrʉ, 4 ẽbẽrarã ĩjã erpanʉ ẽãraita, Diaruba ãyi krĩchara anasi ũnapana ẽ marẽã akʉza Jesúsdebemata jaradiapana ẽ marẽã, Jesúsba ũdubibʉ Daizeze sãwũãbʉta. 6 Daizezeba jarasi: «Pãrĩgʉadeba ũnaña». Iyara ũnabibʉ dayirã sora, mawũã Daizeze nebiata dayirãba kʼawuadamarẽã Kristodeba. 7 Daibara nek’ãrẽ biara wuaga erpanʉ kʉgʉrʉ egoro omane, ũdubita naʉ̃ zarea zromara daideba ze ẽãta awuarabʉrʉ naʉ̃ zarea Daizezedeba zebʉta. 8 Nek’ãrẽ jõma opanʉ dayirã zʉbʉriabita, mamina mejãcha teitea bʉra ẽ dayirã pirabi ẽã, k’awua ẽ bʉ k’ãrẽta oita mamina bʉ ẽdrʉira, 9 pẽwãpanʉmina dobapanʉ ẽ, baebipanʉmina beada ẽ. 13 Daizeze Bedʼeade bʉchu: «Mʉ̃a ĩjãsi Daizezeta maʉ̃ kʼarea bedʼeasi». Dayirãbida ĩjã erpanʉ maʉ̃ kʼarea bedʼeapanʉ. 16 Maʉ̃ k’area pae ẽ baibara, dayi kakuara zõnãba wãmina, dayi jaurera ewariza ara owã. 17 Dayirã bedʼea zromara atiaedabʉmina akʉza mejãcha zʉgʉ ẽ mina, naʉ̃ba dayirãʼa nebiata diabʉ, maʉ̃ nebiara ewari jõmaʉ̃nẽbayi, 18 maʉ̃ k’area dabʉba ũdupanʉra daibara krĩchapanʉ ẽ, awuarabʉrʉ dabʉba ũdukata krĩchapanʉa. Dayi dabʉba ũdupanʉra mesera jõbaria, baribʉrʉ dabʉba ũdukara jõka.