Gálatas

12 Yumakẽrãra Santiagoba jʉrʉdata zei nawedara, iyira ãba nekobasi wuabema ẽbẽrarãbawara, mamina naʉ̃ra yumakẽrãra zebʉrʉdera iyara jĩga wãsi ãyideba yi sirkunsidapanʉ perabi kʼarea. 16 Dayirãba kʼawuapanʉ ẽbẽra abaʉba leyba jarabʉta obʉba jarakĩrãbʉ ẽãta maʉ̃ ẽbẽrabara jõma aripe obʉta, awuarabʉrʉ jõma aripe obʉ yi Jesús ʉ̃rʉ ĩjãbʉbʉrʉ. Maʉ̃ kʼarea dayirãbara ĩjãpanʉ Jesús ʉ̃rʉ, aripe obʉta jaradamarẽã Jesús ʉ̃rʉ ĩjãbʉ baera mawũã leyba jarabʉta obʉ kʼarea mawũã jarapanʉ ẽ. Wãrĩnubaira ẽbẽra abaʉba leyba jarabʉta obʉ kʼarea aripe obʉta jarada ẽ bayi. 19 Mʉ̃ra leytara beisi, mawũẽra maʉ̃ ley kʼarea mʉ̃ra beisi. Mamina mʉ̃ra Daizezeita zokʼaibʉ. 20 Mʉ̃ra Kristoʉ̃me ãba bakurude kachibʉa. Mʉ̃ra zokʼaibʉ ẽã, awuarabʉrʉ Kristora mʉ̃me ãbabʉa. Atiara mʉ̃ra zokʼaibʉ Daizeze Warrata ĩjãbʉ kʼarea, iyira mʉ̃ kãgape akʉza mʉ̃bari beisi.