Éxodo

11 Aramaʉ̃ta Jeowaba jarasi Moisés’a: 12  «Bʉa jʉachabʉrʉza Israel wũãwũãra sõbebʉ k’awuaita, naʉ̃ra aba abakaʉba pagaibara Jeowa ãyi bebʉ ẽdrʉbita. Mawũã jʉachabʉrʉza ãyira zʉbʉria ẽ bayi. 13 Ẽbẽra jõma jʉachadarãra maʉ̃rabara pagaibara siklo ẽzadra, mʉ̃ deda siklo jarabʉrʉde siklo abara balebasi 20 gueras. Mamina Jeowa diaira siklo ẽzadrabayi. 14 Jõma ẽbẽrarã jʉachadarãra 20 poagabʉbʉrʉ mawũã ẽ bʉrʉ audre maʉ̃rabida pagaibara Jeowa. 15 Yi plata mejãcha erbʉbara siklo ẽzadra ʉ̃ta diabe ẽ baibarabasi akʉza yi plata mejãcha neẽbida siklo ẽzadra eda diabe ẽ baibarabasi naʉ̃ra mawũã pagaibara Jeowa oprenda diabʉ kĩrãk’a mayi bebʉbari. 16 Israelitaraba ãyi bebʉ k’area plata diadara maʉ̃ra diabara mʉ̃ karpa de ãba yi jʉrebarita. Maʉ̃ plataba kĩrãbebiyi israelitara Jeowa nãã maʉ̃ ãya plata diadaba ãyi ẽdrʉbisita. 17 Adewara Jeowaba jarasi Moisésʼa: 18 «Poncherata ora ne sʉgʉita akʉza ora kʼãrẽ ʉ̃rʉ bʉebarita. Ãyi ũmena kobreba ora. Poncherata bʉera karpa de ãba yi jʉrebari akʉza altarʼra ẽzadra adewara baniaba birara. 19 Aarónra akʉza iyi wũãwũãrabawara mama juwa sʉgʉyi akʉza jĩrʉ sʉgʉyi. 31 »Israelitara naʉ̃ta jarada: Naʉ̃ ewarideba ʉ̃ta naʉ̃ra mʉ̃ aseite neneẽãbʉtabayi Jeowaita jidai baera. 32 Marabara naʉ̃ra zoabe ẽ miõ kakuade, adewara naʉ̃ kĩrãk’ara awuarara oẽ baibara naʉ̃ra neneẽãbʉ baera akʉza neneẽãbayi maraita. 33 Baduba maʉ̃ kĩrãk’a odara akʉza zoara ẽbẽra ʉ̃rʉ iyi zok’ada ẽ peadata maʉ̃ra beibara basi maʉ̃ pʉwʉrʉdebara». 34 Jeowaba jarasi Moisés’a: «Naʉ̃ kera tũãpoabʉta jʉrʉda akʉza jõma iyaba b’aibara: estakte tũãpoabʉta, insienso tũãpoabʉta, galbano tũãpoabʉta akʉza olibano arata. 35 Naʉ̃raba insiensota ora.Naʉ̃ra jõma neneẽãbayi akʉza tũãpoabayi bi’ia yi oma baera akʉza maʉ̃ne eda tãtabayi. 36 Maʉ̃nebemata wiña yuba bayi bi’ia naʉ̃zayeda, maʉ̃nebemata wiña kʉbʉra karpa de ãba yi jʉrebari Testimonio nãã, mama mʉ̃ra bʉ nãã yi ũdubiyi. Naʉ̃ insiensora maraitara neneẽã baibara. 38 Baduba naʉ̃ insienso kĩrãk’a ora yi tũãpoa ʉ̃ita beadaibara maʉ̃ pʉwʉrʉdebara».