Job

1 Drʉa Uzde basi yumakẽrã yi trʉ̃ Jobʼta. Iyira kʼẽrẽpa basi, daucha basi akʉza Jeowaʉ̃me kʼẽrẽpa basi. Iya zarea obasi kayirua o ẽ baita. 6 Daizeze warrarãra Jeowa kĩrãbita jʉ̃ẽsi ãyi babari mae wãita, Diarusida jʉ̃ẽsi. 7 Aramaʉ̃ta Jeowaba widisi Diaru: «¿Samaʉ̃ba uru?». «Drʉ̃ade wãbaripe ze», mawũã panʉsi Diaruba Jeowaʼa. 8 Jeowabara jarasi Diarua: «¿Akʉbʉka Job mʉ̃ k’aidubʉra? Naʉ̃ drʉadera mia abaʉta neẽ kaʉ̃ kĩrãk’ara. Nemitia oẽãbʉta, k’ẽrẽpabʉta, Daizeze wawiabʉta akʉza nemitia okĩrã ẽãta». 9 Aramaʉ̃ta Diaruba panʉsi Jeowaʼa: «¿Jobʼbara Daizezera bari wawiabʉka? 10 ¿Bʉa k’arebabʉ ẽka, iyi deta akʉza iyi nek’ãrẽ jõma erbʉra? Bʉa k’arebabʉ baera iyi bia wãmarẽã akʉza iyi nedʉwʉrʉra eaba wã naʉ̃ drʉade. 11 Mamina bʉ juwaba tõbarira iya nek’ãrẽ jõma erbʉta, bʉ kĩrãbita imitia bed’ea ẽ k’awuaita». 12 Aramaʉ̃ta Jeowaba jarasi Diarua: «Iya nek’ãrẽ jõma erbʉra bʉ juwadebida. Mamina iyira bʉ juwabara tobarirãra». Aramaʉ̃ta Diarura Jeowa deiduba jʉ̃drʉtotosi. 13 Maʉ̃ tẽã iyi wũãwũãra ãyi mebẽã nabema deda nekonʉmʉena akʉza bania donʉmʉena, 14 maʉ̃ne bedʼea jarabarita deguesi, mõbe Jobʼa jarasi: «Tororaba ne uita egoro ara obarabʉde akʉza burrura chirua kobarabʉde, 15 sabeoraba ajuerzade jida edesida akʉza kuchoba beasida yi maʉ̃ra akʉbadarata. Mʉ̃trʉ abapaibida kʼãwũã bʉaʼa nebʉraita». 16 Maʉ̃ bedʼeanʉmʉena ababema ze kʼãrãpe jarasi: «Daizezeba ʉ̃tʉba tʉbʉ pʉreata ubalbʉesi akʉza maʉ̃ tʉbʉ pʉreaba obejarata jipa babʉesi akʉza nezokʼarasida. Mʉ̃trʉ abapaibida kʼãwũã bʉaʼa nebʉraita». 17 Maʉ̃ bedʼeanʉmʉena ababemata ze kʼãrãpe jarasi: «Caldeorãra ũbeade dra kʼãrãpe jidasida kameyorata, mõbe edesida. Adewara nezokʼarãra kuchoba beakʉasida. Mʉ̃trʉ abapaibida kʼãwũã bʉaʼa nebʉraita». 18 Maʉ̃ bedʼeanʉmʉena aba ze kʼãrãpe akʉza jarasi: «Bʉ wũãwũãrata nekobarabasi akʉza binota dobarabasi ãyi nabʉ deda. 19 Aramaʉ̃ne pʉãdrʉta ijara deguesi drʉa ibʉawabʉdeba, maʉ̃ne drʉ̃daʉraza ijara deguedaba dera bʉ wũãwũãra ʉ̃rʉ deguesi, maʉ̃ba beisi. Mʉ̃trʉ abapaibida kʼãwũã bʉaʼa nebʉraita». 20 Aramaʉ̃ta Jobʼra piradrʉtotosi, yi wuata kõẽtasi akʉza iyi bʉdata tʉsi. Mõbe egorode sãkokode kʉbe kʼãrãpe. 21 jarasi: «Ãkada zesi mʉ papa bitedaʉba akʉza ãkada wãñi. Iyi Jeowaba diasi akʉza iyi Jeowaba jãrĩsi. Jeowa trʉ̃ra yi zroma babidua». 22 Mawũãsidu Jobʼra nemitia oẽbasi, mia Daizeze ʉ̃rʉ imitia bed’ea ẽ basi.