Mateo

2 Iyira ewari 40 bayeda neko ẽ basi akʉza diamasi bida neko ẽ basi, maʉ̃ba jarrabasi Jesúsʼra. 3 Mõbe Diarubara orraeda kʼãrãmape jarasi: «Bʉta wãrĩnu Daizeze warrabʉrʉ, naʉ̃ra mõgararata pan babirua». 4 Aramaʉ̃ta iya panʉsi: Yi bʉmata bʉ, ẽbẽrarã pan kobʉa waʉba bʉ ẽ, zokʼaipanʉ Jeowaba bedʼea jarabʉdeba. 5 Aramaʉ̃ta Diarubara Jerusalénʼena edesi, mõbe templo ʉ̃rʉ edesi 6 akʉza jarasi: «Bʉta wãrĩnu Daizeze warrabʉrʉ u wãra, yi bʉmata bʉ baera: ‹Iya angelerata zokʼayi bʉta kʼarebamarẽã akʉza ãyara bʉra ãyi juwade ededayi, jipade mõgaraba po ẽ marẽã bʉ jĩrʉra›». 7 Jesúsba panʉsi: Maʉ̃sida yi bʉmata bʉ, kʼãrẽ orarã bʉ zeze Jeowaba kʼareba bʉ kʼawuaita. 10 Aramaʉ̃ta Jesúsba panʉsi: «Wãra namaʉ̃bara Diaru yi bʉmatabʉ baera: ‹Daizeze Jeowaʼabʉrʉ yiwidʼibara, iya jarabʉtrʉ ora›». 11 Aramʉ̃ta wãsi Diarura, maʉ̃ tẽã jʉ̃nea zesida angelerata, mõbe kʼarebasida Jesústa. 13 Maʉ̃ tẽã jʉ̃nẽã iyira wãsi Nazaretʼdeba Capernaúmʼena, maʉ̃ra basi mar kĩrãbita Zabulón drʉade akʉza Neftalí drʉade. 14 Maʉ̃ra mawũã berabaribaibara basi propeta Isaíasba jarada aripe berabarimarẽã: 15 «Galilea bʉde edabʉ Zabulón drʉata Neftalí drʉata bʉra bʉ marʼeda wãbari ode Jordán oesteʼare. 16 Pueblo parĩgʉade bʉ bara ũdusida ʉ̃na zromata; ẽbẽrarã kʼaʉ̃ drʉade bemara parĩgʉade basi beida kĩrãkʼa, mamina ũdusida ʉ̃nata». 19 Mõbe jarasi: «Mʉ̃ kʼaidu zeidʉa ẽbẽrarã jʉrʉita beda wuai kaʉde ». 20 Aramaʉ̃ta ãyara ãyi atarrayara amaekʉasida mõbe iyi kʼaidu wãsida.