1 Corintios

16 Mawũẽra, mʉ̃a jaradiara bedʼea biata, maʉ̃ kʼarea ʉ̃tabʉta krĩchabʉ ẽ mʉ̃ra, mʉ̃a maʉ̃ oibara baera. Zʉbʉriare mʉ̃ra, mʉ̃a bedʼea biata jaradia ẽ bʉrʉ. 17 Mʉ̃a naʉ̃ta okĩrãne ora nebiata ũduyi, mamina oamane obʉ bʉsida maʉ̃ra mʉ̃aʼa omarẽã zokʼadapeada baera oibara. 20 Judioraba obʉta obasi mʉ̃ara ãyaʼa jaradiaita. Mʉ̃a Moisés Leyba jarabʉta oibara ẽ basimina obʉ kĩrãkʼa basi mawũã ẽbẽrãra yi maʉ̃ Ley ʉ̃rʉ ĩjãbʉba ũrĩmarẽã mʉ̃a bedʼea jarabʉta. 22 Bia k’awua ẽã ĩjãbera mʉ̃sida bia ĩjã ẽãbʉ kĩrãk’abasi ãyi k’arebaita. Mʉ̃ra wuabema kĩrãk’a abarikabʉta nek’ãrẽ jõma obʉ ãyi ẽdrʉbita. 23 Mʉ̃a nek’ãrẽ jõma obʉ bed’ea bia k’area, maʉ̃ta wuabemara jaraita. 25 Maʉ̃ba jemenebarirabara jõma bia zokʼa kʼawuabʉ nekʼãrẽ oide. Adewara ãyara opanʉ buru jʉ̃bari bagʉbari kʼarea, mamina dayirãbara opanʉ buru jʉ̃bari bagʉ ẽ kʼarea. 26 Mamina mʉ̃ sãwũã wẽbabʉra bari wẽbabʉ ẽ, mʉ̃a deguebibʉra bari deguebibʉ ẽ. 27 Awuarabʉrʉ mʉ̃ kakuara pobʉa akʉza mʉ̃yi nezokʼa babibʉa, mʉ̃a awurura jaradiada tẽã mʉ̃ta mitia akʉda ẽ marẽã.