2 Crónicas

34 Josiasʼra 8 poagabasi nokʼobaside, 31 poagabayeda zokʼasi Jerusalénʼne. 2 Iyara nebiata obasi Jeowa daidu akʉza David iyi zõrãrãenabemaba obada kĩrãkʼa obasi. Wã ẽ basi mia juwaraeda mia juwaʼãkaeda. 3 Iya zokʼabʉ 8 poaga babʉrʉde, iyi waidide warraraweda jʉrʉ jʉ̃drʉsi iyi zõrãrãenabema David Daizezeta akʉza iya zokʼabʉ 12 poaga babʉrʉde Judáta akʉza Jerusalénta neneẽã babisi, ãĩ bʉe jʉ̃drʉsi daizeze zeri ẽã yiwidʼibari deta, bakuruta akʉza nekʼãrẽ omata, adewara nekʼãrẽ jiorro omata. 9 Ãyara akʉ jʉ̃ẽsida saserdote Hilquíasta, mõbe diasida plata Daizeze dedaʉba wedata, levitara puerta akʉbʉrabara jidasida plata naʉ̃raba diadata Manasésba, Efraínba akʉza wuabemara isrealitaraba, Bejamínba diadata, adewara Jerusalénba diadata akʉza Judaba. 10 Maʉ̃ platata jida kʼãrãpe edesida ãyara Jeowa de ara oirama, Jeowa de akʉpanʉrabara maʉ̃ plata jida kʼãrãpe ara osida Jeowadera. 11 Mõbe diasida nekare obarira akʉza de obarira mõgarata edamarẽã akʉza bakuruta edamarẽa drʉ̃daʉ oita, mawũã wagaudeba ʉ̃ta ora oita nokʼora Judádebemaraba de ãrĩnara. 14 Plata Jeowa deda wedapeada jiraeda barabʉeda, saserdote Hilquíasba ũdusi ley libro Jeowaba Moisésdeba diadata. 18 Adewara sekretario Safánba nokʼoʼa jarasi: «Saserdote Hilquíasba mʉ̃a diasi naʉ̃ librota». Mõbe Safánba maʉ̃ta lesi nokʼo kĩrãbita. 19 Nokʼoba leyba jarabʉ ũrĩbʉrʉde kõẽtasi iyi wuara 20 Aramaʉ̃ta nokʼoba naʉ̃ bedʼeata zokʼasi Hilquíasʼa, Ahicam Safán warra, Abdón Miqueas warra, sekretario Safánʼa akʉza Asayaʼa nokʼo nezokʼa: 21 «Wãidua Jeowa widide mʉ̃bari akʉza ẽbẽrarã Israelde akʉza Judádebʉbari, libro ũdudapeadaba kʼãrẽ jarabʉ ʉ̃rʉ, dayirã ʉ̃rʉ Jeowa kĩrʉbi zeira yi zroma bʼai baera, dayirã zõrãrãba ũrĩna ẽ basi baera Jeowa bedʼeata, oda ẽ basi naʉ̃ libroba jarabʉ kĩrãkʼa».