Isaías

8 «Mamina, Israel, bʉra mʉ̃ nezokʼa, Jacob, bʉ mʉ̃a jidadara, bʉra Abrahánʼneba zeda, mʉ̃ neũdukʼawua, 10 Perarãra, mʉ̃ra bʉmebʉ baera. Krĩcha orãra, mʉ̃ra bʉ Zeze baera. Mʉ̃a zarea diayi. Wãrĩnu, mʉ̃a k’arebayi. Mʉ̃ juwara aripe obʉba, wãrĩnu k’arebayi. 11 Akʉra. Jõma bʉme kĩrʉbʉra so peradayi akʉza kʼãrẽ ẽ kĩrãkʼa bayi. Bʉme yõbʉra jipa wua neẽbayi. 12 Bʉme yõpanʉra jʉrʉbʉrʉdera, ũdu ẽ bayi. Ẽbẽrarã bʉme yõita jʉrʉpanʉra jipa kʼãrẽ ẽ kĩrãkʼa bayi, jipa neẽbayi. 13 Mʉ̃ra Jeowa, bʉ Zeze, mʉ̃ara jidabʉ bʉ juwarata, mʉ̃a bʉaʼa jarabʉ: «Perarãra, mʉ̃a k’arebayi».