2 Crónicas

26 Pʉwʉrʉ Judádebema jõmaʉ̃ba nokʼo babisida Uzíasta yi zeze Amasíasbari zokʼamarẽã, iyira 16 poagabasi. 2 Iya jẽda parãsi Elotʼta akʉza jẽda Judádebema pʉwʉrʉ babisi, nokʼo iyi zõrãrã joʉbʉmae joʉda tẽã. 3 Uzíasʼra 16 poagabasi nokʼobaside, 52 poagabayeda zokʼasi Jerusalénta. Yi papa trʉ̃ra Jecolíasbasi, iyira Jerusalénʼnebemabasi. 4 Iyara nebiata obasi Jeowa daidu, yi zeze Amasíasba obada kĩrãkʼa. 5 Iyara Zacarías bʉedara jʉrʉsi Daizezeta, maʉ̃ba jaradiasi baera wawiamarẽã Daizeze wãrĩnuarata. Iya Jeowa jʉrʉbasiedara Daizeze wãrĩnuaraba bia wãbisi. 16 Mamina iyi mejãcha zarea barachubidade iyi sode ʉ̃tabʉta krĩchasi, mawũã iyira bia wã ẽ basi akʉza Jeowaʉ̃me kʼẽrẽpa ba ẽ basi, Jeowa templode eda wã kʼãrãpe insiensota basi altar insienso ba badamae.