Daniel
4 Mʉ̃ra mʉ̃ Zeze Jeowaʼa yiwidʼisi akʉza mʉ̃ ʉ̃rʉ jarasi. Mʉ̃a jarasi: «Jeowa, Daizeze wãrĩnuara, yi zroma akʉza wawiadaidebʉa, iya oya ada wãrĩnu obʉ akʉza kãga jõkara ũdubibʉ iyi kãgapanʉraʼa akʉza iya zokʼabʉ opanʉraʼa, 19 Jeowa, ũrĩda, Jeowa, kĩrãduara, Jeowa, mesera akʉra daira, Daizeze, ora bʉ kʼarea, bʉ pʉwʉrʉbara bʉ trʉ̃ta erbʉ baera». 23 Bʉ zʉbʉria bedʼeaside, Bedʼeata jarabʉesida mõbe mʉ̃a jara zesi bʉa, bʉra jipa yibia baera. Mawũẽra kĩrãkita krĩchara akʉza biʼia akʉra bʉa ũduita. 24 Bʉ pʉwʉrʉ zroma ʉ̃rʉ akʉza bʉ pʉwʉrʉ zake ʉ̃rʉ 70 semana berabarita jarasi, maraba nemitia odasida kĩrãduaita akʉza maraba nekayirua odasida jõbita, ewari jõmaʉ̃nẽ aripe oita, adewara ũdubibʉ ʉrʉmabʉde akʉza aripe berabarita nek’ãrẽ ʉ̃rãbʉrʉ zeide, mawũã jidaita ʉ̃tʉbema Neneẽãbʉta. 25 Kĩrãkita kʼawuabara, Jerusalén jẽda parãnaita jaradadeba Mesías zeyedara, berabaribara 7 semana akʉza 62 semana. Mõbe Jerusalénʼra jẽda paranañi akʉza yi murosida ara okʉadayi, mamina maʉ̃ ewadera mejãcha zʉbʉriata berabarinʉmañi.