Proverbios

2 Yi kʼẽrẽpabʉbara Jeowaʼa wawia ũdubibʉ, mamina yi kʼẽrẽpabʉ ẽãbara jʉra. 10 So aba abakaʉba kʼawuabʉ kʼãrẽãba sopʉabʉta akʉza miõta sobiabe ẽ iyi sobia kʼareara. 11 Ẽbẽrarã kayirua dera jõma jõñi mamina ẽbẽrarã kʼẽrẽpabʉ karpa dera wari wãñi. 12 Ota ababʉ ẽbẽrama dauchabʉ kĩrãkʼabʉta, mamina wãrĩnu bʼaira maʉ̃bara beida edebʉ. 13 Sobiabʉta ũdubibʉmina sora sopʉanʉmaseabʉ akʉza sobiara sopʉaeda berabariseabʉ. 15 Yi buru bia ẽãbara ĩjãbʉ jõma k’ãrẽ jarabʉra, mamina yi buru biabara nãã bia akʉbʉ iyi wãmae. 16 Buru biabara jʉra k’awua akʉbʉ akʉza ãĩ wabʉ kayiruadeba, mamina buru zeri ẽ bara bia oẽ akʉza iyikʉza mejãcha ĩjãbʉ. 17 Yi mesera kĩrʉbʉra buru bia ẽãta ũdubibʉ, mamina yi ẽbẽra buru biabara bia krĩchabʉ jõma akʉza jʉrapanʉ. 23 Badu trajo k’area mejãcha trajabʉbʉrʉ bia wãña, mamina bari bed’eabʉra bia wã ẽ bayi. 30 So mejãcha krĩchabʉ ẽ bara iyi kakʉa bebʉ diabʉ, mamina jiwabara ãrĩbibʉ dayi bʉwʉrʉta.