Proverbios

8 Mʉ̃ wũãwũã, ũrĩda bʉ zezeba jaradiabʉra akʉza idubʉrãra bʉ papaba jarabʉra. 9 Naʉ̃ra korona biʼia kiru bʉ burude jʉ̃bada kĩrãkʼabʉ baera akʉza naʉ̃ra ochidaʉde nekʼãrẽ biʼia kiru jʉ̃bari kĩrãkʼabʉ. 10 Mʉ̃ wũãwũã, nemitia omiaraba sewakĩrãbʉbʉrʉ ãyãʼa yi sewabirãra. 20 Buru bia wãrĩnuarãra ode jʉrabʉ, ewarade nemi jĩgʉa wã abari, 21 Jʉra wã abari ode ẽbẽrarã mejãchabʉ mae. Akʉza pʉwʉrʉ puertamae jarabʉ: 22 «Mara kʼãrẽ kʼawua ẽ panʉrabara, ¿kʼai sõbebayeda kãgapanaipe kʼãrẽ kʼawua ẽ bʉta? Mara ipidamiarabara, ¿kʼai sõbebayeda kãgapanaipe kʼãwũã ipidapanʉta? Mara krĩcha neẽ kĩrãkʼa bebara, ¿kʼai sõbebayeda jʉradaipe kʼawuapanʉta? 23 Ũrĩdua mʉ̃a kʼẽãbʉrʉde. Mʉ̃ jaure zareata mara ʉ̃rʉ zebiyi akʉza kʼawuabiyi mʉ̃ bedʼeata. 24 Mʉ̃a trʉ̃nʉmasi, mamina marabara ũrĩna ẽ basi; juwa wuasi, mamina mia abaʉba akʉ ẽ basi; 25 badua ũrĩna ẽ basi mʉ̃ ũrãgʼata akʉza kãgada ẽ basi mʉ̃a kʼẽãbʉta; 33 Mamina yi mʉ̃ bedʼea ũrĩbʉra aduʼabayi, nekʼãrẽ kayirua berabaribʉba jãrĩ ẽ bayi aduʼabʉta» .