Éxodo

17 Moisés zawareba jarasi: «Bʉa onʉmʉra yibia ẽã. 18 K’ãwũãra bʉra auk’araya akʉza wuabema ẽbẽra bʉbawarabʉsida. Naʉ̃ra bʉita mejãcha zʉgʉabʉa bʉyidobaʉba obe ẽã. 21 Mamina jʉrʉibara maʉ̃ pʉwʉrʉde yumakẽrã bʉa zok’abʉrʉta oseabʉta akʉza Daizeze wawia ũdubibʉta, bed’ea aba bed’eapanʉta, jʉrabʉta plata yibia ẽãneba zebʉta; naʉ̃rata pʉwʉrʉ buru babira zok’adamarẽã ẽbẽrarã 1000, ẽbẽrarã 100, ẽbẽrarã 50, ẽbẽrarã 10. 22 Naʉ̃rabara ẽbẽraba bed’ea zroma ãyima webʉrʉde k’awua oyi mamina bed’ea zroma ãya obe ẽãra bʉma wedayi akʉza bed’ea zroma mejãchabʉ ẽãra ãya k’awua oyi, mawũã bʉita zʉgʉa ẽ bayi ãya k’arebai baera. 24 Aramaʉ̃ta Moisésbara ũrĩsi yi zaware ũrãg’ara, jõma aripe osi iya jarada kĩrãk’a. 25 Jʉrʉsi yumakẽrã Israeldebemata iya zok’abʉ oseapanʉrata pʉwʉrʉ zok’amarẽã: ẽbẽrarã 1000, ẽbẽrarã 100, ẽbẽrarã 50, ẽbẽrarã 10.