Éxodo

39 Ilo pãwãraba, ilo batataba, ilo purruba, wua bi’ia kasusida neneẽãbʉmae zok’adaita. Adewara wua neneẽãbʉta osida Aarón’itabida Jeowaba Moisés’a jarada kĩrãk’a. 2 Efod’ra osida oroba, ilo pãwãraba, ilo batataba, ilo purruba akʉza linoaraba. 3 Orora birachisida martiyoba naʉ̃chayeda. Maʉ̃ tẽã zebisida ilo oro omata ãba kaita ilo pãwãrabawara, ilo batatabawara, ilo purrubawara adewara linoarabawara, mawũã kasida efod’ra. 4 Okiwa ũmene jʉ̃baribara osida. 5 Akʉza kʉrrʉde jʉ̃barira ãbabasi efod’ʉ̃me mawũã maʉ̃ta teitea bamarẽã, maʉ̃ra iyabaʉba yi omabasi: oroba, ilo pãwãraba, ilo batataba, ilo purruba akʉza linoaraba, Jeowaba Moisés’a jarada kĩrãk’a. 6 Aramaʉ̃ta mõgara onise omaba audu purrasida oroba akʉza seyoba obari kĩrãk’a Israel 12 wũãwũãra trʉ̃ta bʉsida mõgarade. 7 Maʉ̃ tẽã iyara efod okiwa bʉesi mõgararãta mawũã Isarel wũãwũãraba kĩrãbedamarẽã, Jeowaba Moisés’a jarada kĩrãk’a. 8 Maʉ̃are osi petoralta. Maʉ̃ra kasida efod oda kĩrãk’a: oroba, ilo pãwãraba, ilo batataba, ilo purruba akʉza linoaraba. 9 Maʉ̃ petoral bedabʉdade yi drazoata basi 22,2 sentimetro akʉza yi joʉbʉata basi 22,2 sentimetro. 10 Mõgarata kĩrã kimare bʉesida nããrabemanera basi rubi, topasio akʉza esmeralda. 11 Yi ũmenebemanera basi turkesa, zapiro akʉza jaspe. 12 Yi ũbeadebemanera basi mõgara léshem, agata akʉza amatista. 13 Yi kimarenebemanera basi krisolito, onise akʉza jade. Naʉ̃ra mõgara jõma audu purrakedea basi oroba. 14 Maʉ̃ra mõgaradera bʉbasi 12 Israel wũãwũãra trʉ̃ta. Maʉ̃ra trʉ̃ 12panʉra aba abakaʉba ũdubibasi samaʉ̃ba zedata akʉza naʉ̃ra trʉ̃ta seyo kĩrãk’a basi. 15 Maʉ̃are osida kadeniya kadata petoral’ita. Maʉ̃ra jʉ̃kara zake kĩrãk’a basi oro omata. 16 Maʉ̃ tẽã osida ũme audu purrakede oro omata akʉza aniyo oro omata ũme, adewara maʉ̃ra aniyo ũmera petoral iza ũmene bʉesida. 17 Maʉ̃ tẽã maʉ̃ jʉ̃kara zake oro omata ũme aniyo ũmebʉrʉza bʉesida petoral i ũmene. 18 Maʉ̃ tẽã jʉ̃kara zake audu purrakedeta eda bʉesida, maʉ̃ra efod okiwade teitea bʉesida, kĩrãbitabemata. 19 Adewara osida aniyo oro omata ũme, maʉ̃ra bʉesida petoral iza ũme yi edrebemane, maʉ̃ba tõbaribasi efodta. 20 Maʉ̃ tẽã osida aniyo oro omata ũme, maʉ̃rãra efod kĩrãbita bʉesida, maʉ̃are ũme okiwadebʉdebemata, maʉ̃ edre aniyo ũme oro omata efod kʉrrʉ jʉ̃ k’awa basi, wiña maʉ̃ ʉ̃treare basi. 21 Maʉ̃are, aniyo petoraldebemata aniyo efodebemaʉ̃me jʉ̃sida jʉ̃kara zake pãwãraba maʉ̃ra mawũã jõma osida petoralta teitea bamarẽã efod ʉ̃rʉ akʉza kʉrrʉ jʉ̃bari ʉ̃rʉ, Jeowaba Moisés’a jarada kĩrãk’a. 32 Idibʉrʉ jõma aribaesida tabernakulode waebadara iyabaʉta karpa de ãba yi jʉrebari deta. Israelitarabara jõma aripe osida Jeowaba Moisés’a zok’ada kĩrãk’a. Jõma iya jarada kĩrãk’a osida. 34 karnero e yi purruba zoabʉ anebaribarita akʉza poka e anebaribarita akʉza wua yi drabarita; 43 Moisésba akʉ wãside ãyi trajota, ũdusi Jeowaba zok’ada kĩrãka osida. Aramaʉ̃ta Moisésba ibia jarasi ãyi ʉ̃rʉ.