Éxodo

15 Wua kasubaria obira petoral juisiota. Abarika efo oda kĩrãk’a jõma oro oma b’aibara, oibara ilo pãwãraba, ilo batataba, ilo purruba akʉza linoara kabʉba. 16 Maʉ̃ra ẽzadra bedaibara mawũã obʉrʉdera yi drazoata b’aibara 22,2 sentimetro akʉza yi joʉbʉata b’aibara 22,2 sentimetro. 17 Bʉa mõgarata kĩrã kimare bʉeibara nããrabemanera bʉeibara rubi, topasio akʉza esmeralda. 18 Yi ũmenebemanera bʉibara turkesa, zapiro akʉza jaspe. 19 Yi ũbeadebemanera bʉibara mõgara léshem, agata akʉza amatista. 20 Yi kimarenebemanera b’aibara krisolito, onise akʉza jade. Naʉ̃ra mõgara jõma audu purrakedea b’aibara oroba. 21 Mõgaradera israelitara 12 bʉra. Wũãwũãra trʉ̃ta erbaibara mõgara aba abakaʉba erbayi mebẽrãra 12 panʉra trʉ̃ta. Mõgara aba abakaʉba naʉ̃ra trʉ̃ta seyo kĩrãk’a erbayi. 30 Petoral juisiode eda bʉeyi Urimta akʉza Tumimta. Maʉ̃ra Aarón so ʉ̃rʉ abaibara Jeowa nãã wãbʉrʉza. Maʉ̃ra Aarónbara ewari jõmaʉ̃nẽ abaibarabasi iyi so ʉ̃rʉ israelitarata Jeowa nãã k’awua obʉrʉde. 36 »Akʉza oibara buru jʉ̃ĩta maʉ̃ra oro b’aibara, maʉ̃ra oibara seyabari kĩrãk’a, naʉ̃ta bʉa abaibara: Jeowade neneẽã baira. 37 Buru jʉ̃ oro omata burubarima tajʉ̃ra jʉ̃kara zake pãwãrabʉba, maʉ̃ra datrʉde burubari kĩrãbita b’aibarabasi. 38 Aarónbara jʉ̃ b’aibarabasi iyi datrʉde akʉza israelitaraba kayirua obʉta Daizeze ʉ̃rʉ iya edeibarabasi, ãya oprenda diabʉrʉde Daizeze’a. Buru jʉ̃ra ewari jõmaʉ̃nẽ iyi datrʉde jʉ̃ b’aibara Jeowaba bia akʉmarẽã. 42 Adewara ora ãdiata linoneba kurrudeba bakaraidu drazoabʉta. Mawũã ãkadabʉta anaita. 43  Aarónba akʉza yi wũãwũãrabawaraʉba naʉ̃ta jʉ̃ĩbara ãyi karpade aba yi jʉrebarima wãbʉrʉde mawũã ẽ bʉrʉ jʉ̃ẽbʉrʉde altar neneẽãbʉidu. Mawũã ãyira nekayiruata oda ẽ bayi akʉza bei ẽ bayi naʉ̃ k’ãwũã zok’adata. Ewari jõmaʉ̃nẽ oibara Aarónba akʉza iyideba zedaba.