Éxodo
10 Maʉ̃ tẽã edeibara torota karpa de ãba yi jʉrebarima, Aarónba akʉza yi wũãwũãrabawaraʉba toro buru ʉ̃rʉ bʉeyi ãyi juwata. 31 Jidaibara karnero, yi jidamata ũdubita saʉ̃ta saserdote b’aita akʉza maʉ̃ chichira yuibara neneẽãbʉmae. 32 Aarónba akʉza yi wũãwũãrãbawaraʉba karpa de ãba yi jʉrebari k’awa koyi karnero chichita adewara pan ẽnebemata. 33 Ãya maʉ̃ra koibarabasi maʉ̃neba ãyi nekayiruata kĩrãduasi baera saserdote b’aita jidasida baera. Akʉza mawũã neneẽã babisi mamina maʉ̃ta k’aiba zok’adata neẽbasibʉrʉ ko ẽ baibarabasi, maʉ̃ra neneẽãbasi baera. 34 Nrʉemabasidu maʉ̃ chichitabasibʉrʉ akʉza panta maʉ̃ saserdote trʉ̃gadaba, maʉ̃ra ba bʉeibarabasi. Ko ẽ baibarabasi neneẽãbʉ baera. 35 »Bʉa obibara Aarón’a akʉza yi wũãwũãra, jõma mʉ̃a jarada kĩrãk’a. Ewari 7 bayeda b’aibara iyi k’awa saserdote trʉ̃gadadeba. 36 Ewariza bʉara nekayirua kĩrãduabita diaibara torota mawũã altarta nekayiruadeba sʉgʉyi, adewara diaibara altar ʉ̃rʉ aseiteta mawũã neneẽã erbaita. 37 Ewari 7 bayeda nekayiruadeba sʉgʉibara maʉ̃ altarta akʉza neneẽã babibara, mawũã neneẽãbayi. Jõma altar tãpanʉrãra neneẽãbayi. 38 »Altardera naʉ̃ta diaibara. Ewariza diaibara karnero ũme poaga ababʉta. 39 Yi nabema karnero warrarabʉra diapeda diaibara akʉza ababemara ʉ̃madaʉ baebodoare. 40 9 sãbʉ arinanebemata zebibara 10, maʉ̃ 10debemata aba jidaibara, maʉ̃ne jidara in aba aseite olibata, maʉ̃nebemata zebira kimare maʉ̃ kimarenebemata aba jidara mõbebʉrʉ ãba puerara, maʉ̃ tẽã diara karnero zake nabema ũme. Mõbe jidaibara in aba binota, maʉ̃nebemata zebira kimare, maʉ̃ kimarenebemata aba jidara maʉ̃ta diaibara oprenda yi bade. 41 Oprenda netata akʉza oprenda yi badebemata, maʉ̃ra mawũã oibara diapeda oda kĩrãk’a, maʉ̃rata diaibara yi ũmenebema karnerota ʉ̃madaʉ baebʉrʉde. Naʉ̃ k’ãwũã jõma obʉdara tũãpoabʉ kĩrãk’a b’iabaibara maʉ̃ra maʉ̃ oprendara tʉbʉdeba Jeowaita obʉ baera. 42 Maʉ̃ oprenda badara ewari jõmaʉ̃nẽ ũdubibara karpa de ãba yi jʉrebari k’awa Jeowa nãã. Mʉ̃ra mama mara yi ũdubiyi bʉme bed’eaita. 43 »Mama mʉ̃ra israelitara nãã yi ũdubiyi akʉza mʉ̃ zarea ũdubibʉrʉde namabʉra neneẽãbayi. 44 Karpa de ãba yi jʉrebarita akʉza altarta neneẽã babiyi, adewara Aarónta akʉza iyi wũãwũãrata neneẽã babiyi mʉ̃ saserdotera badamarẽã. 45 Mʉ̃ra israelitarane edabayi akʉza maʉ̃ra Daizezebayi. 46 Ãyara mawũãtrʉ k’awuayi mʉ̃ra Jeowata ãyi Daizeze, jari Egipto drʉadeba ãĩ bʉedata mawũã ãyide eda b’aita. Mʉ̃ra Jeowa mara Daizeze.