Éxodo
33 Jeowaba jarasi Moisés’a: «Bʉra wãra pʉwʉrʉ Egipto drʉadeba ẽdrʉbidabawara edera drʉa mʉ̃a Abrahán’a, Isaac’a akʉza Jacob’a diaya adama: Maʉ̃ta bʉdeba zebʉrʉra diayi. 2 Bʉ nãã angelta zok’a bʉeyi ãĩ jʉrekʉaita kananeorata, amorreorata, ititarata, perizitarata, ebeorata akʉza jebuseorata. 3 Wãra drʉa leche mejãchabʉma akʉza kũrabari kũa mejãchabʉma. Mamina mʉ̃ra marabawara wã ẽ, marabara jipa ũrĩkĩrã ẽ baera akʉza mʉ̃ara ode makenaseabʉ». 4 Pʉwʉrʉraba naʉ̃ bed’ea pʉa ũrĩside, ãyira sopʉapanʉsi akʉza mia k’aita bia yoda ẽ basi. 5 Jeowaba jarasi Moisés’a: «Israelitara jarada: Marabara jipa ũrĩkĩrã ẽ. Mʉ̃ra mara ẽzadra berabari k’ãrãpe mara jõma makenaseabʉ. Mawũẽra marara yoraidua mʉ̃a mara k’awua oiyeda». 6 Maʉ̃ k’area israelitarabara ãyi yora jõma weasida katuma Horebde akʉza jẽdara jʉ̃na ẽ basi. 7 Aramaʉ̃ta Moisésbara iyi karpa de jirada k’ãrãpe ara jĩgabʉsi, maʉ̃ta trʉ̃gasi karpa de ãba yi jʉrebarita. Jõmaʉ̃ta Jeowa bed’eakĩrãpanasibʉrʉ wãibarabasi karpa de ãba yi jʉrebarima, maʉ̃ra israelitara panʉneba jĩgabasi. 8 Moisés karpa dema wãbʉrʉza, pʉwʉrʉ jõmaʉ̃ta piradrʉpanasi. Ẽbẽra jõmaʉ̃ta piradrʉpanʉrabara ãyi karpa dedaʉba akʉpanasi Moisés iyi karpa deda eda wãñiena. 9 Moisés karpa dema eda wãbaside, Daizezeʉ̃me bed’eaita bajãra ʉ̃tʉba udu baebasi mõbe karpa dema edamabarimae basi. 10 Pʉwʉrʉba naʉ̃ bajã ũdupanasidera karpa deda eda wãbarimae, jõmaʉ̃ta sãkokode apanasi ãyi karpa de kĩrãbita. 11 Jeowara Moisés’a bed’eabasi kĩrãbita, yumakẽrãba awuru yumakẽrã bed’eai kĩrãk’a. Moisés pʉwʉrʉra panʉinʉ jẽda zesidera, Josué Moisés k’arebabarita akʉza Nun warrata karpa dedaʉba ãĩ wã ẽ basi. 12 Jeowara Moisés’a bed’eabasi kĩrãbita, yumakẽrãba awuru yumakẽrã bed’eai kĩrãk’a. Moisés pʉwʉrʉra panʉinʉ jẽda zesidera Josué Moisés k’arebabarita akʉza Nun warrata karpa dedaʉba ãĩ wã ẽ basi. 13 Bʉa mʉ̃ta bia akʉbʉbʉrʉ, mʉ̃ bia ok’ãrãpe, jaradiara bʉ ota mʉ̃a bʉ audre bia ũdu k’awuaita akʉza bʉa mʉ̃ bia akʉ bamarẽã. Kĩrãduarãra naʉ̃ pʉwʉrʉra bʉreta». 14 Aramaʉ̃ta iya panʉsi: «Mʉ̃ra bʉ̃me wãñi akʉza enaʉ̃biyi». 15 Aramaʉ̃ta Moisésba jarasi: «Bʉta daibawara wã ẽ bʉrʉ namaʉ̃ba wãbirãra daita. 16 ¿Sãwũã k’awuai mʉ̃ara bʉ pʉwʉrʉta akʉza mʉ̃ta bia akʉbʉta? Bʉta daibawara zera, bʉ pʉwʉrʉta akʉza mʉ̃ta awuara b’aibara wuabema pʉwʉrʉira naʉ̃ drʉadebʉraira. 20 Adewara jarasi: «Bʉa ũdube ẽ mʉ̃ kĩrãra, mia abaʉ ẽbẽrata mʉ̃ ũduda tẽãra babe ẽ».