Levítico

6 Moisésba Aarónta yi wũãwũãrabawara zemarẽã jarasi, mõbe sʉgʉsi baniaba. 7 Maʉ̃ tẽã wua jʉ̃bisi Aarón’ra akʉza kurrude jʉ̃barita jʉ̃bisi, wua juwa mosoabʉta jʉ̃bisi, efodta jʉ̃bisi mõbe kurrude jʉ̃barita jʉ̃bisi teitea. 8 Adewara jʉ̃bisi petoralta maʉ̃ne eda bʉesi Urimta akʉza Tumimta. 9 Aramaʉ̃ne buru jʉ̃barita jʉ̃bisi burude akʉza maʉ̃ buru jʉ̃baribara iyi datrʉare nei oro omata abasia, maʉ̃ba ũdubibasi Daizezeita b’aita, Jeowaba Moisés’a jarada kĩrãk’a. 12 Jõbodoare, Aarón buru ʉ̃rʉ wea bʉesi aseite neneẽãbʉ jidabarita, maʉ̃ra jidasi neneẽã bamarẽã. 14 Maʉ̃are osi edemarẽã toro oprenda nekayirua oda k’areadebemata, Aarónba yi wũãwũãrabawaraʉba toro oprenda nekayirua oda k’area buru ʉ̃rʉ bʉesi ãyi juwara. 15 Moisésba naʉ̃ nedʉwʉrʉra beasi, maʉ̃ tẽã iyi juwa jiwiniba wata zoasi altardebema kachubʉraza, mawũã maʉ̃ altarta neneẽã babisi. Maʉ̃ wadebemata zarrabisi altar jĩrʉ k’awa maʉ̃ba nenẽẽã babimarẽã mawũã maʉ̃ ʉ̃rʉ nekayirua kĩrãduabita. 16 Maʉ̃are jõma jidasi draga jʉ̃si ʉ̃rʉ badata, trãine draga eda badata akʉza kotrua ũme yi dragabawara, maʉ̃rata Moisésba chiwãbisi altar ʉ̃rʉ. 17 Mamina maʉ̃ torodebemata (yi eta, yi chichita akʉza yi ãta) pʉwʉrʉ badabeba ãĩ basida, Jeowaba Moisés’a zok’ada kĩrãk’a. 31 Mõbe Moisésba Aarón’a jarasi akʉza iyi wũãwũãra: «Yura maʉ̃ chichira karpa de ãba yi jʉrebari wãbarimae. Mama koibara pan eda ẽnebʉmaeʉ̃me saserdote b’airaita, mʉ̃a zok’adapeada kĩrãk’a: Aarónba akʉza yi wũãwũãrãbawaraʉba kodayi. 32 Eda chichi bidata akʉza pan’ʉ̃me ba bʉedayi tʉbʉde. 33 Jĩga wãbe ẽ baibara karpa de ãba yi jʉrebari deda wãbaride ewari 7 bayeda, ãyi ewari saserdote jidabʉta jõñiena, maʉ̃ra bayi ewari 7 bayeda. 34 Jeowaba zok’adara obʉda mara kayirua kĩrãduaita. 35 Marara b’aibara karpa de ãba yi jʉrebari deda wãbaride diapeda akʉza diamasi ewari 7, marabara Jeowaba jaradara ũrĩbara mawũã bei ẽ baita, mawũã mʉ̃a zok’asida baera». 36 Aarónba akʉza yi wũãwũãrabawaraʉba osi jõma Jeowaba zok’adata Moisésdeba.