Números

6 Jeowaba Moisésʼa jarasi: 2 «Bedʼeara israelitaraʉ̃me akʉza ãyaʼa jarada: ‹Yumakẽrã abaʉba mawũã ẽ bʉrʉ yuwẽrã abaʉba jarara iyira nazareo bʼaita Jeowa kʼarea, 3 do ẽ bʼaibara binota, mia ituata. Do ẽ baibara nekʼãrẽ oreguea binonebemata. Do ẽ baibara nekʼãrẽ ubadeba zebʉta, mia ubata akʉza uba bagumata. 4 Iya nazareo obʉedara, ko ẽ baibara nekʼãrẽ ubadeba zebʉta, mia uba yizaketa, mia ubaba ʉ̃rʉ abʉsida kobe ẽ. 5 »›Iyi nazareo obʉedara kʉcho zakeba bʉdara tʉ ẽ baibara. Iyira neneẽãbaibara akʉza iyi bʉdara idu waribibara, iyi Jeowa kʼarea wuabemaneba jãpebʉta, jõñena. 6 Iyi Jeowa kʼarea wuabemaneba jãpebʉedara, beidara orra ẽ baibarabasi. 7 Yi zezeta, yi papata, yi mebẽãta beibʉrʉbʉsida, iya maʉ̃rãra ta ẽ baibarabasi, iyi bʉdadeba ũdubibʉ baera iyara nazareo obʉta Jeowa kʼarea. 8 »Iyi nazareo obʉedara Jeowaitara neneẽãbayi. 24 «Jeowaba nebiata diayi bʉa akʉza kʼarebayi. 25 Jeowaba iyi kirata ũna ũdubiyi bʉ ʉ̃rʉ akʉza bʉta bia akʉmarẽã. 26 Jeowaba iyi kĩrãta ũdubiyi bʉa akʉza aduʼa babiyi». 27 Akʉza ãyara diaibara mʉ̃ trʉ̃ra Israel pʉwʉrʉa mawũã mʉ̃a nebia diaita».