Deuteronomio

2 Mʉ̃a jaradiabʉra baeyi kue kĩrãkʼa, mʉ̃ bedʼeara zougayi kue jinokama kĩrãkʼa, chirua ʉ̃rʉ ewerkanʉminabari kĩrãkʼa akʉza oide kue zroma zebari kĩrãkʼa. 3 Mʉ̃a jaradiayi Jeowa trʉ̃ta. Ũduk’awuaidua Daizeze ne zromata 4 Iyira Mõgara, iya obʉra neneẽãbʉ, jõma iyi ora aripebʉ. Daizezera k’ẽrẽpabʉ, iyiʉ̃mera kayirua neẽ, aripe obʉ akʉza jipabʉ. 7 Kĩrãbera ewari berabarikʉadara, krĩchara ẽbẽra nããra beadarata poaga berabarikʉaside. Bʉ zezeʼa widira, iya bʉaʼa nebʉrayi, zõnapanʉraʼa widira, ãya bʉaʼa jaraya. 29 Marata buru biabasibʉrʉ, krĩchakasi naʉ̃ ʉ̃rʉ. Akʉza krĩchakasi sãwũã jõita. 47 Maʉ̃ra bari bedʼeabʉ ẽ maraita, awuarabʉrʉ bebʉta diabʉ. Naʉ̃ bedʼeadeba marara ewari jõmaʉ̃nẽ baseabʉ drʉa maraba jidaimae, Jordán kĩrãbaribʉrʉde».