Josué
3 Gabaónʼnebemarabida kʼawuaedasida Josuéba Jericó kʼãrẽ odata akʉza Hai ʉ̃rʉ. 4 Mawũẽ krĩcha jʉrʉdape, ãyi yikora kostal zõrãne bʉesida akʉza bino wuagabari de zõrãbʉde akʉza ãrĩchuta, bʉesida burrura ʉ̃rʉ. 5 Adewara jĩrʉne jʉ̃barira yi jõmata jʉ̃panasi akʉza ãyi wuasida yi jõmabasi. Jõma ãya pan erbadara põasãbasi, pʉpʉzua chuasi. 6 Mawũẽra ãyara Josuéta orrasida pʉwʉrʉ nʉmʉmae, Guilgalde, mõbe iyaʼa jarasida akʉza yumakẽrãra Israeldebemaraʼa: «Daira drʉa wuawuaraiduba zeibʉrʉ, bedʼea abarika zeidʉa daibawara». 11 Maʉ̃ kʼarea dai zõrãrãba akʉza jõma ẽbẽrarã dai drʉade panʉba daiʼa jarasida: ‹Ne edeidua ode wãita akʉza ãyita akʉde wãidua. Mõbe naʉ̃ta jaraidua: «Daira mara nezokʼabayi; daibawara bedʼea abarika zeidua»›. 14 Aramaʉ̃ta Israeldebema yumakẽrãrabara jidasida nekʼãrẽ aya erbadadebemata, mamina Jeowara widi akʉda ẽ basi. 15 Mawũẽra Josuéra ãyibawara neneẽã bʼaita kĩrãbesi akʉza bedʼea abarika zesi ãyibawara ãyi bea ẽ bʼaita akʉza mawũã jarasida pʉwʉrʉ nokʼorabida ãya jarada aripe odaita. 25 Kõbebʉrʉ daira bʉ juwadekʉida, ora dai ʉ̃rʉ bʉma bigabʉta akʉza aripe oibarata». 26 Maʉ̃ta osi iyara ãyi ʉ̃rʉra, ẽdrʉbisi israelitara juwadeba akʉza beada ẽ basi. 27 Mamina maʉ̃ ewaride Josuéba zokʼasi tʉbʉ jʉrʉ wãnamarẽã akʉza bania juedamarẽã pʉwʉrʉita akʉza Jeowa altarʼita iya jʉrʉbʉrʉmae, mõbe maʉ̃ta opanʉ idibasidu.