Génesis

5 Naʉ̃ kartara Adán nebʉra. Daizezeba Adán parãna ewaribasidera, parãsi Daizeze kĩrãk’a. 2 Parãsi yumakẽrãta yuwẽrãta. Maʉ̃ ewari parãnaneba nebiata diasi akʉza trʉ̃gasi Ẽbẽrata. 3 Adán 130 poagabaside erbasi warra aba iyi kĩrãk’a bʉta trʉ̃gasi Set. 4 Set erbada tẽã Adán zok’aibasi 800 poaga audre. Iyira waura zezebasi akʉza kaura zezebasi. 5 Mawũã Adán’ra zok’aibasi 930 poaga jõmaʉ̃nẽ. Mõbebʉrʉ beisi. 6 Set 105 poagabaside Enós zezebasi. 7 Enós erbada tẽã, Set zok’aibasi 807 poaga audre. Iyira waura zezebasi akʉza kaura zezebasi. 8 Mawũã Set zok’aibasi 912 poaga jõmaʉ̃nẽ. Mõbebʉrʉ beisi. 22 Matusalén erbada tẽã, Enocʼra 300 poagabayeda basi akʉza iyira ãbabasi Daizeze wãrĩnʉ̃me. Adewara yuwẽrãra akʉza yumakẽrãra zezebasi. 24 Enocʼra basi Daizeze wãrĩʉ̃me. Aramaʉ̃ta miõba ũdu ẽã aduasida, Daizezeba jidasi baera.