Marcos
2 Maʉ̃ne pariseoraba orrasida iyira kʼawuadaita kʼareaba kʼawuabʉta, mõbe widisida yumakẽrãba iyi kimara idubʉseabʉ kʼawuaita. 4 Ãya jarasi: «Moisésbara iduaribisi bʉmarẽã karta yi idubʉbarita mõbe jʉ̃retamarẽã yi kima wẽrãta». 5 Mawũẽra Jesuba panʉsi: «Moisésba bʉ amaesi maʉ̃ bedʼeara maraba ũrĩkĩrã ẽ basi baera. 6 Mamina nekʼãre nãã parãsidera Daizezebara ‹parãsi yumakẽrãta yuwẽrãʉ̃me› 7 Akʉza ‹Maʉ̃ba yumakẽrãbara idubʉya yi zezera akʉza yi papara, 8 mõbe ãyi ũmera kakua abapai bayi, mawũẽra ũme panʉ ẽ, awuarabʉrʉ kakua abapaipanʉ. 9 Maʉ̃ k’area Daizezeba ãbabʉdara, mia abaʉ yumakẽrãba yi idubʉbi ẽ». 11 Iya jarasi: «Jõma yumakẽrã yi kima amaebʉra akʉza awuruta kʼãĩra, ãĩbadogo yi kima nããbemaneba. 12 Akʉza yuwẽrãba iyi kimata amaera mõbe awuruta kʼãĩra, mawũãra iyisida ãĩbabʉ». 17 Ode wãne yumakẽrã aba wẽba deguesi. Iyi kĩrãbita sãkokode kʉbepe widisi: «Ũrãgʼa bia diabari, bʉra ẽbẽra bia, ¿kʹãrẽta oibara ewari jõmaʉ̃nẽ bʼaira?». 18 Aramaʉ̃ta Jesuba jarasi: «¿Kʼãrẽa jarabʉ mʉ̃ra ẽbẽra biata? Mia abaʉta ẽbẽra bia ẽ, Daizezetrʉ aba pai ẽbẽra bia. 19 Bʉara kʼawuabʉ leiba jarabʉra: mia bearãra, ãĩ barãra, nezrʉgarãra, sewa nebʉrata jararãra awuru ʉ̃rʉ, awuruta sewarãra, wawiara bʉ zezera akʉza bʉ papara». 20 Yumakẽrãba jarasi: «Ũrãgʼa bia diabari, mʉ̃a naʉ̃ra jõma ozebʉrʉ warrarainʉba». 21 Jesuba akʉ kʼãrãpe kãgade jarasi: «Aba waebʉ, wãra nedode bʉa kʹãrẽ jõma erbʉra, mõbe kʹãrẽ neẽ bʉraʼa diara platara, mawũã nebia erbayi ʉ̃tʉra. Maʉ̃are mʉ̃ kʼaidu zera». 22 Mamina maʉ̃ bedʼea ũrĩbʉrʉba yumakẽrã sopʉasi akʉza krĩcha osi iyira nemejãcha erbasi baera. 29 Jesuba jarasi: «Mʉ̃a mara jaraya abaʉba amaera iyi deta, mebẽãrata, papata, zezeta, wũãwũãrata akʉza drʉata mʉ̃ kʼarea, mawũã ẽ bʉrʉ bedʼea bia kʼarea 30 idi ewade jidama 100 jidaya (deta bio, mebẽrã yumakẽrãrata, yuwẽrãrata, paparata, wũãwũãrata akʉza drʉarata, iyita pẽwãpanʉmina) akʉza ʉ̃ra zeide ewari jõmaʉ̃nẽ bʼaita erbayi. 45 Mia Yumakẽrã Wũãwũãra ze ẽ basi iyita akʉdamarẽã, awuarabʉrʉ zesi wuabemara akʉita akʉza iyi bebʉ diaita wuabemara ẽdrʉbita».