Ester
3 Maʉ̃ mawũã berabarida tẽã nokʼo Asueroba nekʼãrẽ awuru oita diasi Hamánʼa, naʉ̃ra Hamedata Agagdebema wũãwũãbasi akʉza iyira yi zroma babisi iyi bʉgueta wuabemara prinsipera bʉgueira ʉ̃ta bʉesi baera. 2 Nokʼo nezokʼara jõma, nokʼo de ewarade badarara Hamán kĩrãbita sãkodepanasi nokʼoba mawũã zokʼasi baera, mamina Mardoqueobara ĩjã ẽ basi sãkokode baira. 3 Maʉ̃ kʼãrẽa nokʼo nezokʼara, nokʼo deda ewarade badarãbara Mardoqueoa jarapanasi: «¿Kʼãrẽa ũrĩ ẽ bʉara nokʼoba zokʼabʉra?». 4 Ewariza iyabaʉta jarapanasi ãyara, mamina iyara ũrĩ ẽ basi ãyi bedʼeara. Mawũẽra naʉ̃ta jara ũrĩbisida Hamánʼa iya iduaribi kʼawuaita Mardoqueoba maʉ̃ta omarẽã. Mardoqueobara jarasibasi iyira judiota. 8 (b)...ãyara ũrĩ ẽ nokʼoba ley diabʉra, maʉ̃ kʼarea nokʼo, aduʼa babirara ãyira. 9 (a) Mõbe, nokʼo dabʉ nãã biabʉbʉrʉ, bʉra leyta kartade jipa jõbita maʉ̃ pʉwʉrʉta.